Ҳужумчини сотиб олиш учун "Фенербахче" ва "Атлетико" курашмоқда. Туркия клуби Гринвуд учун бонусларсиз 42 миллион евро таклиф қилган бўлса, “матрасчилар” 45 миллион евро тўлашга тайёр.
Гринвуд иккала клуб билан ҳам шартномани келишиб олди, аммо ҳали қарор қабул қилмоқда. Маълум қилинишича, Мэйсон "Атлетико"га ўтишни афзал кўради, чунки у "Хетафе"да ўйнаганида яшаган Мадридга қайтмоқчи.
"Фенербахче" Гринвудга солиқлардан кейин йилига 7-8 миллион евро, "Атлетико" эса 5-6 миллион евро таклиф қилмоқда.
"Марсель” ва "Манчестер Юнайтед" ўртасида тузилган келишувга кўра, трансфер суммасининг 35 фоизини манқунианликлар олади.
Гринвуд ўтган Лига 1 мавсумида 32 та ўйин ўтказиб, 16 та гол урди ва 7 та голли узатмани амалга оширди.
