Аргентиналик юлдуз соврин сифатида испаниялик рассом ва ҳайкалтарош Жоан Миро асари бўлган ҳайкалча, диплом, нишон ҳамда 50 минг евро миқдоридаги пул мукофоти билан тақдирланди.
"Бизга ҳамма нарсани ютиш ва буни ўзига хос, такрорланмас услубда амалга ошириш бахти насиб этди. Ўйиндан, ғалабалардан ва улкан мақсадларга эришишдан чин дилдан завқланардик, бироқ бизга энг кўп ҳузур бағишлаган нарса — кундалик жараён, машғулотлар бўлган. Биз у ерда вақтимизни шунчаки ажойиб ўтказардик.
У ерда 3 нафар фарзандим дунёга келди. Шу сабабли шаҳар ва клубга нисбатан қалбимда жуда, жуда алоҳида туйғулар бор", – дея Мессининг сўзларини келтирди “Diario Sport”.
Месси 2004 йилдан 2021 йилгача "Барселона" шарафини ҳимоя қилган. Каталония жамоаси сафида у 35 та соврин, жумладан, тўрт марта Чемпионлар Лигаси ва ўн бор Ла Лига бош совринини қўлга киритган.
