Иштирокчилар Университет лигаси ёки Очиқ лигада ўз кучларини синаб кўришлари, мамлакат чемпиони унвони учун курашишлари ҳамда Германияга, "РБ Лейпциг" футбол клубига ташриф буюриш имкониятини қўлга киритишлари мумкин. Иштирокчиларни рўйхатдан ўтказиш лойиҳа сайти орқали амалга оширилади.
Red Bull Wings Cup — EA SPORTS FC™ 27 ўйини бўйича ўтказиладиган янги халқаро турнир бўлиб, Ўзбекистонни ҳам қўшиб ҳисоблаганда, дунёнинг қарийб 80 та мамлакатидан ўйинчиларни бирлаштиради. Мусобақа EA SPORTS ва PlayStation ҳамкорлигида ташкил этилмоқда. Унда ҳаваскорлардан тортиб тажрибали ўйинчиларгача бўлган турли даражадаги иштирокчилар қатнашиши мумкин. Ўзбекистонда мусобақада мамлакат резиденти бўлган 18 ёшдан ошган барча хоҳловчилар иштирок этишлари мумкин.
Ўзбекистонда мусобақа икки лига доирасида ўтказилади:
Университет лигаси — олий таълим муассасалари талабалари учун мўлжалланган. Иштирокчилар
Playstation® 5 консолларида EA SPORTS FC™ 27 ўйинининг Rush режимида университетлар ўртасида ташкил этиладиган саралаш босқичларида беллашадилар. Саралаш ўйинлари якунларига кўра, энг кучли 4 нафар иштирокчи аниқланиб, улар миллий финал босқичига йўл олади. Ўз университетингиздаги саралаш босқичлари саналарини билиш ва рўйхатдан ўтиш учун лойиҳа сайтига ташриф буюринг.
Очиқ лига — саралаш мусобақалари ҳамкор Pinger.Pro платформасида онлайн тарзда, Playstation® 5 консолларида EA SPORTS FC™ 27 ўйинининг Ultimate Team режимида ўтказилади.
Иштирок этиш учун ҳамкор платформада ёки лойиҳанинг расмий сайтида рўйхатдан ўтиш мумкин. Очиқ лиганинг саралаш босқичлари 31 октабрь – 1 ноябрь ҳамда 7–8 ноябрь кунлари бўлиб ўтади. 15 ноябрь куни эса мағлуб бўлган иштирокчилар мусобақани тарк этадиган плей-офф ўйинлари ўтказилади. Уларнинг натижаларига кўра, миллий финалга йўл оладиган 4 нафар иштирокчи аниқланади.
29 ноябрь куни ҳар икки лига доирасида сараланган 8 нафар энг кучли ўйинчи Red Bull Wings Cup миллий финалида учрашиб, Ўзбекистон чемпиони унвони учун курашади. Бош соврин — Германияга сафар ва "РБ Лейпциг" футбол клубига ташриф. Бу Европа футболининг бетакрор муҳитини ҳис қилиш, профессионал жамоа ҳаётининг саҳна орти билан танишиш ва Red Bull оламининг бир қисмига айланиш учун ноёб имкониятдир.
Рўйхатдан ўтиш https://www.redbull.com/uz-ru/events/red-bull-wings-cup-uzbekistan-2026/