Унда футболчилар кутилган натижаларни бера олишмаганини тан олиб, мухлисларга қўллаб-қувватлаганлари учун миннатдорчилик билдиришган.
"Ушбу жаҳон чемпионати уйимиздан жуда узоқда бўлиб ўтди. Аммо сиз ўша ерда эдингиз. Сиз бизни баланд овозда қўллаб-қувватладингиз. Ва сиз янада кўпроғига тайёр эдингиз. Афсуски, биз майдонда ўз мақсадларимиздан жуда узоқда бўлдик. Бу жамоа нималарга қодирлигини кўрсата олмадик ва ҳақли равишда жуда эрта чиқиб кетдик. Биз бу йўлни сиз билан бирга босиб ўтишни ва Германияни фахрлантиришни истагандик. Аммо бу йил бунинг уддасидан чиқа олмадик. Бу жуда оғриқли. Сизларга қанчалик оғир бўлса, бизга ҳам шунчалик алам қилмоқда.
Биз ўйинимизга нисбатан айтилган танқидларни қабул қиламиз. Бу асосли ва спортнинг бир қисмидир. Аммо футболда нафратга ўрин йўқ. Биз ирқчиликка ёки камситишнинг ҳар қандай бошқа кўринишига тоқат қилмаймиз. Футбол бўлиниш эмас, балки ҳамжиҳатлик ва бирлик учун хизмат қилади. Бизни қўллаб-қувватлаган барчага раҳмат. Сиз биз билан бирга бўлдингиз. Биз сиз билан бирга янада кучли бўлиб қайтамиз".
Турнир фаворитларидан бири ҳисобланган Германия терма жамоаси 1/16 финал босқичида пенальтилар сериясида Парагвайга имкониятни бой бериб, мусобақани тарк этди. Бу 2018 ва 2022 йилларда ҳам плей-оффга чиқа олмаган жамоа учун ҳақиқий муваффақиятсизликка айланди.
