Бугун Конго ДР терма жамоаси 1/16 финал босқичида Англияга (1:2) мағлуб бўлиб, ЖЧдан чиқиб кетди.
"Бизнинг ушбу жаҳон чемпионатидаги саёҳатимиз якунига етди. Жамоамиз билан фахрланамиз! Йигитлар ушбу турнирнинг энг кучли терма жамоаларидан бирига қарши ўйинда яна бир мўъжиза яратишга жуда яқин келишганди. Ўйинни қўшимча бўлимларга олиб бориш, балки пенальтилар сериясигача етказиш учун бизга озгина етмади.
Футболчиларимиз бор кучларини бериб ўйнашди ва майдонда борини қолдиришди. Аммо бугун Англия терма жамоаси эмас, балки кўпроқ Харри Кейн кучлилик қилди. У ажойиб ўйин ўтказди ва уларнинг ғалабасида бош омилга айланди.
Энди жамоа уйга қайтади. Футболчиларимиз ҳақиқий қаҳрамонлардек кутиб олинади. Футбол федерацияси, Спорт вазирлиги ва мамлакат президенти футболчиларни, мураббийлар штабини ва ушбу муваффақиятга ҳисса қўшган барчани албатта тақдирлайди. Уларни жаҳон чемпионатидаги тарихий иштироки учун лойиқ пул мукофотлари ва бошқа совғалар кутмоқда.
Биз таслим бўлмаймиз. Ушбу турнир Конго терма жамоаси дунёнинг энг кучли терма жамоалари билан тенгма-тенг кураша олишини кўрсатди. Энди биз бор эътиборимизни навбатдаги Африка Кубогига тайёргарликка қаратган ҳолда, кейинги жаҳон чемпионатига йўлланма олиш учун қўлимиздан келган барча ишни қиламиз", — деди Тшимпумпу.
