Иттифоқ вакили Аксель Хеллманннинг таъкидлашича, Германия турнирни қабул қилишга тўлиқ тайёр ва барча зарур инфратузилмага эга, шу сабабли янги объектлар қуриш учун катта инвестициялар талаб этилмайди:
“Бизда Жаҳон чемпионатини ўтказиш учун барча инфратузилма аллақачон мавжуд. Катта харажатларнинг ҳожати йўқ. ФИФА ротация принципи масаласида мослашувчанроқ ёндашади деб умид қиламиз”, – деди Хеллманн.
Немислар талабномаси олдидаги асосий тўсиқ — ФИФАнинг амалдаги ротация тизими. Унга кўра, Испания, Португалия ва Марокашда (илк ўйинлари Уругвай, Аргентина ҳамда Парагвайда) ўтадиган ЖЧ-2030 ва Саудия Арабистонида ўтадиган ЖЧ-2034’дан сўнг навбатдаги мусобақага Шимолий Америка ёки Океания вакиллари мезбонлик қилиши керак.
Агар ФИФА ушбу қоидани ўзгаришсиз қолдирса, Европа мамлакатлари, шу жумладан, Германия ҳам ЖЧ-2038 учун ўз номзодини илгари сура олмайди. DFB халқаро федерация истисно қилишига ёки мезбон мамлакатларни танлаш тартибини қайта кўриб чиқишига умид қилмоқда.
Эслатиб ўтамиз, Германия йирик футбол турнирларини ташкил этишда бой тажрибага эга. Мамлакат 1974 ва 2006 йилги Жаҳон чемпионатларига, шунингдек, бир неча бор Европа чемпионатларига мезбонлик қилган.
