"Сенинг футбол ўйнашингни томоша қилиш доимо ушбу спорт турининг энг буюк шарафларидан бири бўлиб келган, азизим Лионель Месси. Майдонда сен имконсиз нарсаларни имконли қиласан ва бутун дунёни сенинг истеъдодингга бўлган ҳайрат атрофида бирлаштирасан. Сенга самимий қучоқларимни йўллайман. Ер сайёрасида футбол энг севимли спорт турига айланиши учун қилган барча ишларинг учун ташаккур. Сенга туғилган кунинг муборак бўлишини тилайман ҳамда тўрт йил олдин Қатарда миллий терма жамоанг билан қўлга киритган унвонингни ҳимоя қилаётганинг — ушбу жаҳон чемпионати гуруҳ босқичининг сўнгги ўйинларидан бирида кейинги муваффақиятларни тилаб қоламан. Сен ҳали ҳам бутун дунёдаги миллионлаб инсонларга футболга бўлган иштиёқни ҳеч кимга ўхшамайдиган тарзда тақдим этишда давом этмоқдасан", — деб ёзди Инфантино ўзининг ижтимоий тармоқдаги саҳифасида.
24 июнь куни Лионель Месси 39 ёшга тўлди. 2026 йилги жаҳон чемпионатида ҳужумчи бешта гол уришга улгурди. Футболчи Жазоир билан ўйинда (3:0) хет-трик қайд этган бўлса, Австрияга қарши учрашувда (2:0) дублга эришди.
