"Sky Sports" эксперти "Арсенал" футболчиларининг бир вақтнинг ўзида жароҳат олгани ҳақидаги ҳикоя ҳақиқатга тўғри келмайди деб ҳисоблайди.
"Артета футболчиларга ўз терма жамоасида ўйнаган ҳар бир киши жаримага тортилишини айтган, шунинг учун уларнинг барчаси майдондан чиқиб кетишди. Бироқ улар "Арсенал"нинг кейинги баҳсларига тайёр бўлади, эҳтимол, бир ёки икки киши бундан мустасно. Кўринишидан, мураббий буни лигада ғалаба қозониш йўлидаги биринчи қадам деб ҳисоблаган ва уларга: "Бизга сизнинг кучингиз керак ва сиз ҳозир халқаро майдонларда ўйнаётган нарсалар шунчаки ўртоқлик ўйинлари", деган фикрни илгари сурган. Мен илгари сэр Алекс Фергюсондан шунга ўхшаш гапларни эшитганман, шунинг учун гап нимадалигини жуда яхши тушунаман. Футболчилар ҳозирда лигада зафар қучиш устувор вазифа эканлигини билади", – деди Фердинанд.
Куни кеча "Арсенал"нинг 10 нафар футболчиси жароҳат сабабли миллий терма жамоаларни тарк этди. Истисно сифатида Жаҳон чемпионатига йўлланма олиш учун сўнгги плей-офф ўйинларида ўз миллий терма жамоаларида ўйнаган Риккардо Калафьори ва Виктор Гёкерешни келтириш мумкин.
