Фарҳод Соҳибжонов: "Пахтакор"га қарши ўз уйимизда ўйнагандек бўлдик"
14 апр 2025 13:20
Янгиликлар

Фарҳод Соҳибжонов: "Пахтакор"га қарши ўз уйимизда ўйнагандек бўлдик"

Суперлиганинг 5-туридан ўрин олган "Пахтакор" – "Андижон" (2:3) учрашувидан сўнг меҳмонлар ярим ҳимоячиси Фарҳод Соҳибжонов ўз фикрлари билан ўртоқлашди.

"Бизни кузатиб келган ва қўллаб-қувватлаб турган "Андижон" мухлисларига минннатдорчилик билдираман. Тарихни мухлислар билан бирга ёздик ва ғалабани улар билан бирга нишонладик. "Пахтакор"га қарши ўз уйимизда ўйнагандек бўлдик.

Тўғрисини айтсам, шунча ўйин ўтказган бўлсак, стандарт ишланмаларимиз фақатгина "Навбаҳор"га қарши ўйинда иш берганди. Шунга қарамай, ҳар ўйинда бу борада тайёргарлик кўрамиз. Стандарт вазиятларда аввалдан яхши тайёргарликка эгамиз. Бугун эса бу иш берди.

Бу йил олдимизга қўйган мақсадимиз юқори. хабарингиз бор, жорий мавсум Осиё Чемпионлар лигасида ҳам иштирок этамиз. Бугунги ғалаба жуда зарур эди. "Машъал"га қарши ўйиндан сўнг йигитларнинг руҳияти яна-да юқорилади. Эндиликда стабил ҳолатимизни сақлашга ҳаракат қиламиз", – деди 23 ёшли футболчи.

Ҳавола :

Манба : championat.asia

Янгиликларни Телеграмда ўқинг!

Рейтинг: +2