UZ

Сўнгги янгиликлар

01:35Ташкилотни кескин танқид қилган Марсело Бьелсага КОНМЕБОЛ томонидан иш очилди  3 01:15Расман: Моуринью бошқарувидаги "Фенербахче" Сен-Максименни ижарага олди  0 00:55Вагиз Галиулин: “Ўзбекистон Суперлигаси савияси Россия биринчи дивизионидан анча юқорилаб кетди”  5 00:33Расман: Австралия терма жамоаси дарвозабони "Рома"га ўтди  1 00:10"Ордабаси" ЕЧЛ саралашидаги юришини биринчи босқичдаёқ тугатди   6 23:35Килиан Мбаппе: "Перес – дунёдаги энг зўр президент"  11 23:05Ўртоқлик ўйини. "Нефтчи" Тожикистоннинг "Хўжанд" жамоасини мағлуб қилди  1 22:39Ўртоқлик ўйини. ОКМК Тожикистон грандини ўта йирик ҳисобда таслим этди  9 21:44Обамеянг "Марсел"дан кетишини эълон қилди. Ҳужумчи Саудия Арабистонига йўл олади  0 21:21Ламин Ямаль янги мавсумни янги рақамда бошлайди  227 20:54Марко Ройснинг кейинги манзили аниқ бўлди  0 20:30Расман: Тиаго Алькантара "Барселона" мураббийлар штабига қўшилди  1 19:55"Динамо" назорат баҳсида Қирғиз Республикаси клубини йирик ҳисобда мағлуб этди  4 19:39Евро-2024да порлаган ҳужумчи "Лион"да тиббий текширувдан ўтмоқда  0 19:17Хави: "Педри билан бўлган хатони Ямаль билан такрорламаслик керак"  2

"Евро-2024"даги энг даҳшатли вазият: юз суяклари синиб кетган Варга учун мусобақа тугади — олдинда ҳаёт учун кураш Янгиликлар

"Евро-2024"даги энг даҳшатли вазият: юз суяклари синиб кетган Варга учун мусобақа тугади — олдинда ҳаёт учун кураш

Бир неча йил аввал Кристиан Эриксен билан юз берган воқеа ёдингизда бўлса ажабмас.

Ўшанда Дания термаси етакчиси Евро-2020нинг (ковид туфайли мусобақа 2021 йилда ўтказилганди) илк турида Финляндияга қарши беллашувда ҳушини йўқотган ва юраги уришдан тўхтаб қолганди. Майдоннинг ўзида клиник ўлимни бошдан кечирган Кристианга биринчи тез тиббий ёрдам кўрсатилган ва ҳаёти сақлаб қолинганди.

Якшанба оқшомида футбол олами яна шу каби "шок" ҳолатига тушди. Евро-2024 "А" гуруҳидан плей-оффга кимлар чиқиши ҳал бўлаётган муҳим паллада Штутгарт шаҳридаги майдондаги ҳеч бир футболчи ўзини аяб ўтирмаслигини тахмин қилиш қийин эмасди. Бироқ бу каби шижоат футболчилардан бирига қимматга тушишини ҳеч ким билмасди. 

Учрашувнинг 68-дақиқасида венгриялик форвард Барнабаш Варга бошидан зарба қабул қилиб олди ва майдонга қулади. 


Дарҳол Варгани ширмалар билан телекамера ва мухлислардан беркитишга ҳаракат қилишди. Бу ҳолатда Варганинг ҳолати ҳақида тасаввур пайдо бўлиши учун қолган футболчиларнинг реакцияларига эътибор қаратиш етарли, назаримизда. Бир неча дақиқадан сўнг футболчини кислород маскаси ёрдамида майдондан олиб чиқиб кетишди.

Ўйин давом эттирилди, бироқ форвард майдонга қайта олмаслиги деярли барчага маълум эди. Шунинг учун ҳам яна бир неча дақиқа майдондагилар ҳам карахт ҳолатда ҳаракат қилишди.

Венгрия терма жамоаси вакиллари жамоадошининг ҳаракатлари бекор кетмаслиги учун астойдил ҳаракат қилишди. Ўйиннинг охирги сонияларида ўйиндаги ягона голни Кевин Чобот урди. Венгрия терма жамоаси мухлислари томон югурган Чобот голни Варганинг футболкасини кўтарган ҳолатда нишонлади. 

Ушбу гол Европа чемпионатлари тарихидаги энг кеч урилган тўп сифатида тарихга кирди.

Венгрия футбол федерацияси ўйин якунланганидан бир неча соат ўтиб, Варганинг ҳолати бўйича расмий маълумот берди. 
"Барнабаш Варганинг ҳолати мунтазам стабил бўлиб турибди. Ҳужумчи Штутгартдаги шифохоналардан бирида ва ҳавотир олишга ўрин сабаб йўқ. Барчаси ортда қолди, деб умид қиламиз. Унинг ҳолати бўйича яна қўшимча маълумот пайдо бўлса, албатта биз бу ҳақида хабар берамиз".

Жамоа устози бу маълумотни тасдиқлади:
"Унинг ҳолати стабил эканлигини бизга ҳам маълум қилишди. Ҳозир у шифокорлар назоратида бўлиб турибди. Барнабашнинг юз суяклари синган. Катта эҳтимол билан у жарроҳлик столига ётишига тўғри келади. Ҳозир бир нарса аниқ Барнабаш учун "Евро" якунига етди. Аммо нима бўлса ҳам у билан барчаси жойида ва энг муҳими шу".

"Учрашувнинг энг яхши футболчиси" деб топилган Роланд Шаллаи ўйиндан кейинги матбуот анжуманида жамоа ғалабани Варгага бағишлашини маълум қилди:
"Барнабашни бу ҳолатда кўриш шунчаки даҳшат эди. Ҳозир унинг ҳолати анча яхши, лекин жарроҳлик амалиёти талаб қилинади. Унинг жароҳатидан кейин майдонда у учун ҳам курашдик ва ғалаба қозонишни жуда хоҳладик. Бу муваффақиятни унга бағишлаймиз".

"Твиттер"да Антуан Гризманн ва Франция терма жамоаси бу ҳолатни эътиборсиз қолдирмади ҳамда Варгани қўллаб-қувватлади. 




Қайд этиб ўтамиз, мағлубиятга учраган Шотландия 1 очко билан сўнгги поғонани банд этди. Венгрия эса (3 очко билан) учинчи ўринни эгаллади ва плей‑офф босқичига чиқиш имкониятлари анча юқори.

"Евро-2024"да Барнабаш Варга 3 та ўйинда майдонга тушди - Швейцария билан ўйинда (1:3) битта гол урди. Ўтган мавсум "Ференцварош" сафида марказий ҳужумчи 40 та ўйинда иштирок этди ва "гол+пас" тизимида "29+12" натижа қайд этди.

Муаллиф : Omonjon To`xtamirzayev
Рейтинг: +9   

Фикрлар

+1   
24 июн 18:16:21
Жамшид Абдусамадов
Сог булсин.
   
24 июн 20:48:37
Tohir Mirzaev
Sogayib ket
   
24 июн 20:27:27
Murodjon Naimov
SOG‘LIK G‘ALABADAN USTUN VARGA SOG‘LIK TILAYMIZ
19 VARGA
championat.asia
< сўнгги янгиликларни кўриш
Яндекс.Метрика