— Эътибор беринг, бу Жаҳон чемпионати ўйинларидан кейинги терма жамоанинг биринчи йиғинидир. Футболчилар ҳам аста-секин йиғинга келиб қўшилмоқда ва ўйлашимча, бу жуда яхши йиғин бўлиши мумкин. Иккита яхши жамоа билан ўйнаймиз. Ўзбекистон — охирги вақтларда жуда кўп ўйнаган рақибимиз, аммо улар доимо бизга қийинчилик туғдирган. Улар кучли жамоалар сирасига киради ва ҳозир ҳам бу жамоага қарши жиддий синовдан ўтишимиз мумкин.
Бошқа томондан, Россия ҳам энг кучли жамоалардан бири ва жуда яхши футболчиларга эга. Бу жамоа таркибида бир нечта яхши легионерлар бор. Россия кучли жисмоний футбол ўйнайдиган ва тактик ҳаракатларни амалга оширишда ҳам жуда яхши бўлган жамоа. Биз ҳам мураббийлар штабининг кўрсатмалари ва терма жамоа бош мураббийининг режаси билан яхши ўйин кўрсатишга, ушбу икки ўйинда кучли иштирок этиш орқали Осиё кубогига тайёргарлик йўлига тушиб олишга умид қиламиз.
Терма жамоа ярим ҳимоячиси ўзининг ҳозирги ҳолати ҳақида шундай деди:
— Хайриятки, Жаҳон чемпионатидан кейин ҳолатим жуда яхши эди. Жаҳон чемпионатида ўйнаган ўйинимдан сўнг ўзимни жуда яхши ҳис қилдим. ЖЧда ўз мамлакатим терма жамоаси шарафини ҳимоя қила олганим мен учун ёқимли бўлди. Бу йўлни давом эттиришни ва иншааллоҳ энг яхши ўйинни кўрсатиш учун шундай машғулот ўтказиш ва ўйнашни хоҳлайман. Мақсадим — асосий таркибдан жой олиш ва хоҳ бир дақиқа, хоҳ 90 дақиқа ўйнайманми, майдонда энг яхши ўйинимни кўрсатишдир.
Ўзбекистон ва Россияга қарши иккита ўйин учун шахсий мақсадим — аввало машғулотларда энг яхши томонимни кўрсатиш ва иншааллоҳ, агар лойиқ бўлсам, ушбу икки учрашувда майдонга тушиб, терма жамоага фойда келтиришдир.
Футболчи терма жамоа йиғинидаги муҳит ва Осиё кубоги олдига қўйилган мақсадлар ҳақида гапириб ўтди:
— Бизда Жаҳон чемпионатида катта армон бўлди ва охирги ўйинда айрим воқеалар содир бўлди. Ҳозир ушбу воқеаларни унутамиз деб умид қиламан, албатта, Осиё кубогида катта натижага эришиш учун айнан ўша воқеалардан куч ва интилиш олишимиз керак.
У Осиё кубоги олдидан сифатли йиғинлар ва ўртоқлик ўйинлари ўтказиш муҳимлигини таъкидлади:
— Яхши ўртоқлик ўйинлари терма жамоанинг Осиё кубогида муносиб иштирок этишига ёрдам беради. Федерация зарур ташкилий ишларни амалга оширишига ва Осиё кубоги олдидан бир нечта муносиб ўртоқлик ўйинлари ўтказиб, мусобақага тўлиқ тайёргарлик билан киришишимизга умид қиламан.
Горбани терма жамоа йиғинида ёш футболчиларнинг борлиги ва футболчилар ўртасидаги рақобатнинг ортиши ҳақида шундай деди:
— Йиғинга бир нечта янги футболчилар қўшилди, улар яхши ёшлар. Мен ўзим ҳам шу ёшлар сирасига кираман. Барчамиз аҳил бўлиб яхши ҳаракат қилишимизга ва терма жамоа бош мураббийининг эътиборини қозонишимизга умид қиламан. Бу рақобат терма жамоага жуда катта ёрдам бериши мумкин ва ёш футболчилар ҳам катталарнинг тажрибасидан фойдаланишлари мумкин.
Ҳозир Сардор Озмун қайтиб келди ва барча ёшлар унинг тажрибасидан фойдаланишимиз мумкин. Барчасига қарамай, Сардор ва Меҳди Торимий Эроннинг энг буюк футболчилари сирасига киради ва йиллар давомида терма жамоа учун зафарлар қучиб келишган. Ёш футболчилар улардан яхши нарсаларни ўрганишларини ва ўз футбол йўлларида муваффақият қозонишларини умид қиламан.
Горбани қайси режа терма жамоани Осиё кубоги чемпионлигига олиб келиши мумкинлиги ҳақидаги саволга шундай жавоб берди:
— Иншааллоҳ, мураббийлар штабининг кўрсатмалари ва бутун жамоанинг бир тану бир жон бўлиши билан Жаҳон чемпионатида амалга ошмаган нарсани Осиё кубогида бажарамиз. Бизда мавжуд бўлган ушбу эронлик мураббийлар штаби билан бу нарса амалга ошиши мумкин деб ўйлайман.
Эслатиб ўтамиз, Ўзбекистон - Эрон учрашуви 24 сентябрь куни Фарғонада бўлиб ўтади. Учрашув Тошкент вақти билан 19:00да старт олади.
