UZ

Сўнгги янгиликлар

17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  1 17:28Суперлига. Тарихда илк бор аёл ҳакам бошқарган ўйинда 6 та гол урилди   8 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  32 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  44 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  9 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 15:35"Ризеспор" — "Кайсериспор". Таркиблар маълум  2 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   3 13:56Одил Абдумажидовга Кувайт ва Сербия клублари қизиқиб қолишди  1 13:16Суперлига. 30-турни қайси футболчилар ўтказиб юборади?  0 13:01Жамшид Искандеров: "Водийда чемпион бўлиш қийин"  6 12:43Гвардиола Силванинг "Манчестер Сити" билан янги шартномаси борасида фикр билдирди  1 12:15"Реал" янги ҳужумчи топди  4

Эрен Дердийокнинг битта голи неча пул туради? Унинг "Пахтакор"даги бир куничи? Янгиликлар

Эрен Дердийокнинг битта голи неча пул туради? Унинг "Пахтакор"даги бир куничи?

"Пахтакор" футбол клуби раиси Жаҳонгир Ортиқхўжаев бундан буён клубдаги маошлар ва бошқа ҳисоботлар шаффоф тарзда бериб борилиши ҳақида таъкидлаганди.

Шундан кейин клуб матбуот хизмати асосий таркибидаги футболчилар, асосий жамоа мураббийлар штаби ва клуб раҳбариятининг йиллик маош ва даромадлари акс эттирилган маълумотни тақдим қилди.

Унда энг кўп маош жамоанинг швейцариялик легионери Эрен Дердийокка тўланиши акс этган (йилига 1,3 млн евро). Шундан келиб чиқиб, бироз математик билимларимизни ишга солишга ва сиз учун бир қатор қизиқарли фактларни келтиришга қарор қилдик. 

1 евро 12 минг 694.6 сўмга тенг. 1,3 млн евро эса 16 503 028 661 (16 млрд) сўмга баробар. 

1. Эрен бир ойда 108 минг 333 евро (1 миллиард 375 миллион сўм) ишлаб топади. 

2. Бу ҳафтасига 25 минг 277 евро (320 миллион 882 минг сўм) дегани.

3. Дердийок бир кунда 3 611 еврога (45 миллион 840 минг сўм) эга бўлади.

4. "Пахтакор" ушбу футболчининг клубда ўтказган ҳар соати учун 150 евро тўлайди. Бу ўзбек сўмида 1 миллион 904 минг сўмга тенг.

Футболчининг клуб билан амалдаги шартномаси 2021 йилнинг 31 декабрига қадар мўлжалланган. Эрен аллақачон клуб либосида 5 ой 18 кунни ўтказиб бўлди. У жорий йилнинг ортда қолган қисмида 596 минг еврони ўзиники қилишга улгурди (7 миллиард 566 миллион сўм).

Футболчининг майдондаги статистикасига эътибор қаратамиз. 

1. У жорий мавсумда 13 та ўйин ўтказишга улгурди. Демак, "Пахтакор" Дердийокнинг ҳар бир ўйини учун 45 минг 846 евро тўлаяпти. Бу ўзбек сўмида 582 миллион сўмга баробар.

2. У жорий мавсум "шерлар" либосида жами 1016 дақиқа ҳаракатланган. Демак, Тошкент клуби футболчининг майдонда ўтказган ҳар дақиқаси учун 587 евро тўлаяпти. Бу ўзбек сўмида 7 миллион 452 минг сўмга тенг. Бир дақиқа учун ёмон эмас, тўғрими?

3. У жорий мавсум "шерлар" либосида фақат 4 та гол урди. Демак, "Пахтакор" марказий ҳужумчининг ҳар голи учун 149 минг евро тўлаяпти. Бу ўзбек сўмида 1 миллиард 891 миллион 500 минг сўмга тенг!

Хуллас, 33 ёшли швейцариялик форвард ураётган бир голнинг баҳоси деярли 2 миллиард сўмга тенг. 

Қадрли мухлис, юқорида барча маълумотлар билан танишдингиз. Нима деб ўйлайсиз, Эрен Дердийок ўзига тўланаётган пулларни оқлаяптими?

Муаллиф :
Рейтинг: -121   

Фикрлар

championat.asia
< сўнгги янгиликларни кўриш
Яндекс.Метрика