

Янги шартнома 2032 йил 30 июнга қадар амал қилади.
26 ёшли Чуамени 2022 йилнинг ёзида "Монако"дан "Реал"га ўтган. Унга қадар футболчи "Бордо" жамоасида ҳам тўп сурган.
Жорий мавсумда у мадридликлар сафида 10 та учрашувда майдонга тушиб, 1 та голли узатмани амалга оширди.
Чуамени Испания клуби таркибида 8 та совринни қўлга киритган. Улар орасида Чемпионлар лигаси ва Испания чемпионлиги ҳам бор.
Франция терма жамоаси сафида эса 50 та ўйин ўтказиб, 3 та гол урган ва 4 та голли узатмани амалга оширган.



