- Мухлисларни қувонтирадиган даражадаги ўйин бўлди. Йирик ҳисобда ғалаба қозонган бўлсак-да, йигитларни ўйинга тайёрлаш осон кечгани йўқ. Чунки кучли бешликка кира олмаганимиздан кейин, футболчиларда тушкун ҳолат бор эди. “Арал Самали”ни ҳурмат қилган ҳолда айтаманки, улар шунча гол уришимизга имконият берди. Жамоамиз охирги учта ўйинда имкониятларидан фойдалана олмаганди. Бугун эса вазиятларни голга айлантира олдик.
“Турон” билан ўйинда ҳимояда Бекзод Толибжонов ва Достон Бердиқулов тандемини синаб кўргандик. Лекин Бердиқуловнинг жисмоний ҳолати яхши эмаслигини боис, уни алмаштиргандик. Бугун яна бошқа ҳимоячиларга имконият беришни истагандик ва Толибжонов ва Ҳожиматовни асосий таркибда майдонга туширдик. Шоҳруҳ Холматовда эса руҳий томонлама муаммолар сабабли уни захирада қолдириб, иккинчи бўлимда майдонга туширдик.
Албатта, кучли бешликка кира олмадик. “Хоразм” билан беллашувда ғалаба қозонганимизда, вазифани бажаришимиз мумкин эди. Минг афсуски, у ерда мағлубиятга учрадик. Жамоа кучли 5таликга кира олмади. Ҳаёт давом этади. Биз эндиликда мавсумни олтинчи ўринда тугатиш учун курашамиз. 12 сентябрь куни кейинги босқичга қуръа ташланади. Навбатдаги режани амалга ошириш учун ҳаракат қилишда давом этамиз.
