"Атлетико" ҳужумчиси шу ёзда Мадрид клубини тарк этиб, каталонияликлар сафига қўшилиш истагини билдирганди. "Матрасчилар" аргентиналик футболчини "кўк-анорранглилар"га сотишдан бош тортди ва уларни ноэтиклик ва нопрофессионализмда айблади.
Альварес билан боғлиқ вазият ҳақида "Биз тўғри ҳаракат қилдик. Биз таклиф юбордик, аммо жавоб бўлмади. Кейинчалик буларнинг барчаси матбуотда муҳокама қилинди. Гап шундаки, улар футболчини сотишни хоҳлашмади. Воқелик шундай ва бунга ёпишиб олишдан маъно йўқ. Биз ҳеч қачон ундан "Атлетико"дан кетиш истагини билдиришни сўрамаганмиз".
"Атлетико"нинг айбловлари ҳақида "Қўшимча қиладиган ҳеч нарсам йўқ. Биз таклиф қилдик. Мен қандайдир хусусий келишувларнинг тафсилотларидан хабардор эмасман. Эсимда, ўзим "Барса"га ўтмоқчи бўлганимда, Пинту да Кошта мендан яна бир йил қолишни сўраган ва кейинги мавсумда ўзим хоҳлаган жойга қўйиб юборишни ваъда қилган эди. Кейинги йили "Порту"да фойдалироқ таклифлар бўлишига қарамай, мен "Барса"га ўтдим. Хулиан борасида эса биз футболчини сотиб олишга ҳаракат қилдик, лекин чиқмади. Ҳаммаси шу. Биз ҳеч қандай номаъқул иш қилмадик".
Хулиан бўйича таклиф ҳақида "У шундай тарзда тузилган эдики, тўловлар олти йил эмас, уч мавсум давомида амалга оширилиши керак эди. Менинг ["Атлетико" директори] Матеу Алеманига ҳеч қандай эътирозим йўқ, мен унга ҳеч қачон ёмонлик қилмаганман. Биз биргаликда "Барса"да ишлаганмиз ва ҳеч қандай муаммо юзага келмаган", – деди Деку.
