"Championat.asia" талқини: Йилнинг энг яхши ёш футболчиси - Ҳусайин Норчаев

"Championat.asia" сайти ўз анъанасига содиқ қолган ҳолда йилнинг энг яхшиларини аниқлади.

Демак, "Championat.asia" талқинига кўра, йилнинг энг яхши ёш футболчиси - Ҳусайин Норчаев ("Насаф").

2002 йилда туғилган ҳужумчи 2020 йилги мавсум кашфиётига айланди. "Насаф" ҳужумчиси Суперлигада 21та ўйинда майдонга тушиб 3та гол уришга эришди. Норчаев ортда қолган мавсумда U-18 билан олтин, U-21 ўринбосарлар таркибида бронза, асосий жамоа билан кумуш медалларини қўлга киритди. 18 ёшли футболчи ўз устида ишлашдан тўхтаб қолмаса "Насаф"нинг асосий ҳужумчисига айланишга, сўнгра миллий терма жамоада ўйнашига ишонамиз.

Норчаев энг яхши ёш футболчи бўлишда Ҳожимат Эркинов ва Иброҳим Ҳалил Йўлдошевни ортда қолдирди.

Суперлигадаги статискаси: 21 ўйин, 803 дақиқа, 3та гол.

Тез орада "Championat.asia"нинг Ҳусайинга аталган эксклюзив махсус совғаси ўз эгасига топширилади.

"Ҳужумчи тўпурар бўлишга интилиши керак. Лекин жамоавий ютуқ шахсий совриндан афзалроқ". Мавсум кашфиётларидан бири Ҳусайин Норчаев билан интервью