Бундеслига карвони бугун йўлга чиқади
26 авг 2016 17:12
Янгиликлар

Бундеслига карвони бугун йўлга чиқади

Бугун Германия Бундеслигасига старт берилади ва илк турда “Бавария” ўз уйида “Вердер”ни қабул қилади.

Германия Бундеслигасига 1963 йил 24 август куни асос солинган. Ушбу чемпионатда 18 та жамоа иштирок этишидан хабарингиз бор. 1963/1964 йилги мавсумда чемпионатда 16 та жамоа иштирок этган бўлиб жами учрашувлар 240 тани ташкил этган. Илк чемпионатда 45 очко билан “Кёльн” клуби чемпионликни тантана қилган. Иккинчи поғонани 39 очко билан “Дуйсбург” жамоаси қўлга киритган. Тўпурарлик баҳсида “Гамбург” клуби футболчиси Зеелер рақиблар дарвозасини 30 маротаба ишғол қилган ва “олтин бутса”ни қўлга киритган. Ўшанда стадионга мухлислар ташрифи ўртача 27 610 нафарни ташкил қилган. Ҳозиргача Бундеслигада 53 та мавсум якунланган.

Бундеслигада совринли ўринларни қўлга киритган жамоалар
Шу кунгача “Бавария” 26 бор чемпионликни тантана қилган бўлса 10 маротаба вице-чемпион мақомига эга бўлган. Нюрнберг жамоаси 9, Дортмунднинг “Боруссия” клуби 8, “Шальке-04” 7, “Гамбург” 6, “Штутгард” ва Боруссия (Мёнхенгладбах) 5 тадан, “Вердер” ва “Кайзерслаутерн” 4 маротаба, “Кельн”, “Лейпциг” ва “Гройтер Фюрт” 3 маротаба, “Герта”, “Виктория 1889”, “Ганновер 96”, “Дрезднер” 2 маротабадан, “Карлсруэ”, “Мюнхен 1860”, “Карлсруэ”, “Айнтрахт” (Франкфурт), “Вольфсбург”, “Блау-Вайсс”, “Фрайбургер”, “Хольштайн”, “Фортуна Дюссельдорф”, ”Мангейм”, “Рот-Вайсс-Эссен” ва “Айнтрахт” (Брауншвейг) жамоалари 1 маротабадан Бундеслига бош совринини қўлга киритишган.

Бундеслига тўпурарлари
1. 365 — Герд Мюллер («Бавария», 1964—1979)
2. 268 — Клаус Фишер («Мюнхен 1860», «Шальке 04», «Кёльн», «Бохум», 1968—1988)
3. 220 — Юпп Хайнкес («Ганновер 96», «Боруссия» (Мёнхенгладбах), 1965—1978)
4. 213 — Манфред Бургсмюллер («Рот-Вайсс» (Оберхаузен), «Юрдинген 05», «Боруссия» (Дортмунд), «Вердер», 1969—1990)
5. 185 — Клаудио Писарро («Вердер», «Бавария», 1999)
6. 181 — Ульф Кирстен («Байер 04», 1990—2003)
7. 179 — Штефан Кунц («Бохум», «Юрдинген 05», «Кайзерслаутерн», «Арминия» (Билефельд), 1983—1996)
8. 177 — Дитер Мюллер («Киккерс» (Оффенбах), «Кёльн», «Штутгарт», «Саарбрюккен», 1973—1986)
9. 177 — Клаус Аллофс («Фортуна» (Дюссельдорф), «Кёльн», 1975—1993)
10. 166 — Йоханнес Лёр («Кёльн», 1964—1977), Штефан Кисслинг («Нюрнберг», «Байер 04», 2002)

Жамоа	Стадион	Сиғими
Аугсбург	WWK АРЕНА	30.660
Байер	БайАрена	30.210
Бавария	Альянс Арена	75.000
Боруссия Д	Сигнал Идуна Парк	81.359
Боруссия М	Штадион им Боруссия Парк	54.010
Дармштатд	Мерк-Штадион Болленфалтор	17.000
Айнтрахт	Коммерсбанк Арена	51.500
Фрайбург	Шварцвальд Штадион	24.000
Гамбург	Волькспаркштадион	57.000
Герта	Олимпиаштадион	74.475
Хоффенхайм	Вирсоль Рейн-Неккар-Арена	30.150
Ингольштатд	Ауди Спортпарк	15.000
Кёльн	Рейн Энерги Штадион	50.374
Лейцпиг	Ред Булл Арена	42.959
Майнц	Опел Арена	34.000
Шальке-04	Велтинс-Арена	62.271
Вердер	Везерштадион	42.100
Вольфсбург	Вольксваген Арена	30.000