Ўйин якунида лиссабонликлар ҳимоячиси Николас Отаменди бразилиялик юлдузга ўз танасидаги Жаҳон кубоги тасвирланган татуировкасини кўрсатиб, уни масхара қилган эди.
Снейдернинг кескин жавоби:
"Ziggo Sport" эфирида меҳмон бўлган нидерландиялик афсона Отамендининг бу ҳаракатини аҳмоқона деб атади:
"Жамоанг 0:1 ҳисобида ютқазаётган бир пайтда шундай иш қиласанми? Сенинг бошинг жойидами ўзи? Бу жуда болаларча ҳаракат. Мен Винисиуснинг ўрнида бўлганимда: «Дўстим, бу ЖЧни сен ютганинг йўқ, уни Месси ютган. Сенинг бу ғалабага алоқанг йўқ», — деган бўлардим.
Винисиуснинг "совғалари" кўпроқ:
Снейдер Винисиуснинг ютуқлари Отамендиникидан кам эмаслигини таъкидлади:
"Винисиус «Реал» билан икки бор ЕЧЛда зафар қучган ва уч карра Ла Лига чемпиони ҳисобланади. Тўғрисини айтсам, Отаменди бу ишни нотўғри жамоага қарши қилди. Бундай провокация бошқаларга таъсир қилиши мумкиндир, лекин Винисиусга эмас", — дея қўшимча қилди Снейдер.
Эслатиб ўтамиз, Аргентина терма жамоаси билан ЖЧ-2022 ғолиби бўлган Отаменди ўйин давомида бир неча бор Винисиус билан айтишиб қолган эди. Бироқ якунда мадридликларнинг ғалабаси аргентиналик ҳимоячининг "мақтанчоқлиги"ни чиппага чиқарди.
