Бироқ, Каталония клуби билан шартнома имзолаш учун у дунёнинг энг яхши футболчиси Месси деб ёлғон гапиришга мажбур бўлган.
"Мен матбуот анжуманида ёлғон гапиришимга тўғри келган. "Лас-Пальмас"да ўйнаб юрган пайтларимда мендан кимни энг яхши ўйинчи деб ҳисоблашимни сўрашганида, Роналду деб жавоб бергандим, севимли жамоам эса "Реал" эди.
"Барселона" билан шартнома имзолаётганимда эса, мендан "Барса" севимли жамоам эканлигини ва Лионель Месси дунёнинг энг яхши футболчиси эканини айтишимни сўрашди. Акс ҳолда у ерда шунчаки ўйнай олмасдинг, бунинг иложи йўқ эди. Бундай ҳолат бошқа футболчилар билан ҳам содир бўлган.
Матбуот анжуманидаги энг биринчи савол ҳам айнан шундай бўлди: дунёнинг энг яхши футболчиси ким? Мен Лионель Месси, деб жавоб бердим. Мен ёлғон гапиргандим", — деб ёзди Боатенг ижтимоий тармоқларда.
Роналду ушбу пост остида тўртта кулиб турган смайлик қолдириб, бунга ўз муносабатини билдирди.
