Рафинья ушбу ўйинда хет-трик қайд этди...
– Бу ажойиб, бу ерда ғалаба қозона олганимиздан жуда хурсандман. Рафинья қилаётган ишлар мени ҳайратда қолдирмаяпти, – деди Фликнинг сўзларини Marca нашри.
– Нима учун Ливаковични таркибга қўйишга қарор қилдингиз?
– Баъзан ҳамма нарсани шунчаки таҳлил қилиш эмас, балки ўз ҳис-туйғуларингизга ҳам ишониш керак. Мен шундай ҳис қилдим ва биз шу қарорга келдик. Бу Щенснига ишонмаслигимиз билан боғлиқ эмас. Биз шунчаки Ливакович бугунги ўйин учун энг яхши вариант бўлиши мумкин деб ҳисобладик.
Бу қандайдир доимий қарор эмас, балки айнан бугунги ўйин учун танлов. Мен учун бу осон вазият эмас. Унинг ўйнамаётгани, Гавининг ўйнамаётгани… Мен учун бу оғир, лекин сен жамоа ҳақида ўйлашинг керак. Бу ерда футболчиларга нисбатан ҳеч қандай шахсий адоват йўқ.
– Кристенсен ўзини қандай ҳис қиляпти?
– Менимча, у бир неча ҳафтани ўтказиб юборади. Бу мушак жароҳати, аммо биз текширув натижаларини кутишимиз керак.
– Рафинья шартномасини узайтирмоқда…
– Клуб учун бу энг яхши қарор. Унинг трибуналар ва жамоа билан қандай муносабатда бўлаётганини кўрганингизда… У — етакчи, у бор кучини беради.
Биз мураббийлар штаби билан биргаликда уни "тўққизлик" (ҳужумчи) позициясига қўйишга қарор қилдик. Менимча, ҳозирда у бундан хурсанд. Унинг ушбу мавсумда кўрсатаётган ўйини шунчаки ажойиб. Бугунги иккинчи бўлим эса ақл бовар қилмайдиган даражада ўтди.
