Бу ҳақда "De Telegraaf" хабар бермоқда.
Кичик Клюйверт "Барселона" академиясининг энг истиқболли тарбияланувчиларидан бири саналади ва энди у доимий асосда асосий жамоага жалб этилди. Ҳужумчи жорий йилнинг апрель ойида клуб билан 2028 йилнинг ёзига қадар мўлжалланган янги шартнома имзолади.
Форвард ўтган мавсум "Барселона" ёшлар жамоасида 22 ўйинда майдонга тушиб, 2 та гол урди ва 2 та голли пас узатди. Нидерландия U-19 терма жамоаси футболчиси 13 июль куни тиббий кўрикдан ўтиши режалаштирилган, шундан сўнг у Каталония клубининг бошланғич таркибида ўзини кўрсатиш имкониятини олади.
Футболчининг отаси Патрик Клюйверт 1998-2004 йиллар оралиғида "Барселона" сафида 257 ўйинда қатнашиб, 122 та гол урган ва 22 та голга ассистентлик қилган. Жамоа билан Испания чемпионлигини қўлга киритган.
