- Ўйин ҳақида фикрингиз?
- Учрашувни яхши бошладик. Ўз майдонимизда тўп тепганимиз сабабли йигитларнинг руҳияти баланд бўлди. Менимча, баҳс тенг курашлар бўйича ўтди. Танаффус пайти футболчимиз қизил карточка олгач, ўйин тубдан ўзгариб кетди. Асосан стандартларда ютқаздик деб ўйлайман.
- Жамоангизда ички муҳит қандай? Қизил карточка борасида нима дея оласиз?
- Муҳит яхши эди. Машғулотлар ҳам зўр ўтди. Қизил карточка кутилмаган ҳолат бўлди. Мухлисларимиз кўз ўнгида ҳаракат қиляпмиз, ишқибозларни хурсанд қилиш ниятида эдик. Ўйинга Шодмоновнинг ҳам яқинлари келганди.
- Агар қизил карточка бўлмаганида ижобий натижа қайд этилиши мумкинмиди?
- Албатта, шунга умид қилсак бўларди. Чунки бир киши кам қолиб ҳам тенгма-тенг ўйнай олдик. Биз босимни туширдик ва ҳисобни сақлаб турдик. Иккинчи таймда гол урамиз деб ният қилдик. Лекин танаффусда бир ўйинчимиз, кейин иккинчи бўлимда яна бир футболчимиз "қизил" олиб майдонда икки киши кам қолдик.
- Жамоа чуқурга тушиб қолганми?
- Тўғри, кўп ютқазяпмиз, аммо ўйинга келадиган бўлсак, футболчиларимиз охиригача курашмоқда. Натижа кўринмаяпти, лекин ўйинимизда маъно бор деб ўйлайман. Охирги нуқтани қўйишда оқсаяпмиз ва стандартларда кўп ишлашимиз керак. Ҳали ғалабаларимиз олдинда.
