Бу "канонирлар"нинг 22 йил ичидаги биринчи чемпионлиги.
"Биз яна тарих яратдик. Буни биргаликда уддаладик. Мен бу клуб билан боғлиқ бўлган барчадан ниҳоятда хурсандман ва фахрланаман. Келинг, бу лаҳзадан завқланайлик", – деди Артета.
"Арсенал" 82 очко тўплади ва Англия чемпионига айланди. "Манчестер Сити" 37 ўйиндан сўнг 78 очко билан иккинчи ўринда. Хосеп Гвардиола жамоаси чемпионликни қўлга киритиш имкониятини амалда йўқотди.
Бу лондонликларнинг 2004 йилдан бери биринчи лига ғолиблиги ва тарихдаги 14-чи чемпионлиги. Улар охирги марта чемпионликни 22 йил олдин, Арсен Венгер билан мағлубиятсиз мавсумда қўлга киритган.
Артета узоқ кутилган чемпионлик учун 7 йил ишлади. У лигада икки марта саккизинчи, бир марта бешинчи ва кейин кетма-кет уч марта иккинчи ўринни олганди.
