"Йўқ, биз энг гавдали жамоа эмасмиз, лекин ҳимояланишни биламиз. Услубларимизда ўхшашлик бор, гарчи жамоалар фарқ қилса ҳам. Иккала жамоа ҳам ўйинни назорат қилишни истайди. "Арсенал"дан тўпни олиб қўйиш жуда қийин. Бу жамоа ўз мураббийининг ғалабага бўлган интилишини жуда яхши акс эттиради. Бу буюк финал бўлади", — дея Луис Энрикенинг сўзларини келтиради "Madeinparisiens" нашри.
Чемпионлар лигасининг финал учрашуви Будапештдаги "Пушкаш Арена" стадионида бўлиб ўтади, баҳснинг бошланиш ҳуштаги Тошкент вақти билан соат 21:00 га режалаштирилган. Парижликлар ушбу турнирнинг амалдаги ғолиби ҳисобланади.
