"Андижон": Муҳамедов ва Каримов келди

Таркибга куни-кеча икки нафар янги ўйинчи келиб қўшилди. Уларнинг бири дарвозабон Абдукарим Муҳамедовдир. Хуқуқий жиҳатдан «Бунёдкор» аъзоси бўлган иқтидорли посбон кеча жамоа қароргоҳига етиб келди ва машғулотларга қўшилди. Муҳамедов 1994 йилда таваллуд топган. Бунгача асосан ёшлар ва биринчи лига мусобақасида харакат қилган. Бўйдор бўлган Абдукарим эндиликда «Андижон» мураббийларида илиқ таассурот қолдириш учун машғулотларда астойдил ишламоқда.

Ундан ташқари куни-кеча жамоамиз сафига ҳужумкор ярим ҳимоячи Шаҳзодбек Каримов ҳам келиб қўшилди. 1992 йилда туғилган ушбу футболчи мавсум-2016ни Жиззахнинг «Сўғдиёна» жамоасида ўтказган.

Айни дамда ҳар икки футболчи ҳам кўрикда эканлигини айтиб ўтиш лозим. Агарда уларнинг хатти-харакатлари мураббийларга маъқул келса, шартнома имзоланади.
Дарвоқе, бугун «бургутлар» навбатдаги синов-назорат баҳсида майдонга чиқади. Бу сафарги рақиб ҳам яна «Ёзёвон-Лочинлари»дир. Фақат бу галги ўйин Ёзёвонда ўтади.

"Андижон" матбуот хизмати