Карло Анчелотти унга Италия терма жамоасини бошқариш таклифи бўлганини тасдиқлади, бироқ у Бразилия терма жамоасидаги фаолиятини давом эттириш ниятида экани сабабли Италия футбол федерацияси (FIGC) таклифини рад этган.
“Бу шартнома масаласи сабабли эмас. Менда Бразилия футбол конфедерацияси ва ушбу мамлакат олдида мажбуриятларим бор, чунки бу ерда биринчи йилимдаёқ жуда илиқ кутиб олишди. Албатта, мен Италия футбол федерациясига миннатдорлик билдирдим, лекин шу ерда қолмоқчиман. Чунки мени шунчалик самимий қабул қилган мамлакатда, менга ишлаш имкониятини берган ташкилотда фаолиятимни давом эттиришни тўғри ва адолатли деб ҳисоблайман”, – деди Анчелотти ESPN’га берган интервьюсида.
Май ойида 67 ёшли Анчелотти Бразилия терма жамоаси билан шартномасини 4 йилга — 2030 йилги Жаҳон чемпионатига қадар узайтирганди. 5 карра жаҳон чемпионлари италиялик мутахассис қўл остида ЖЧ-2026’нинг 1/8 финалида Норвегияга ютқазиб, турнирни тарк этганди.
