Терма жамоамиз футболчиси Аббос Файзуллаев тайёргарлик жараёнлари ҳақида фикр билдирди.
"Биринчи йиғинда жисмоний тайёргарликка эътибор қаратилди. Бу нарса секин кўринишни бошлади. Эндиликда тактик ишланмалар ва рақибларни ўрганишни бошладик.
Жаҳон чемпионати олдидан ҳаяжон бўлиши табиий. Ҳаяжонсиз қандай бўлади, билмайман. Лекин ўзимга ишонч ортган. Мусобақага тайёрман ва жамоамиз ҳақида ҳам шу фикрни айтаман", – дейди Аббос Файзуллаев.
Маълумот учун, вакилларимиз мундиалдаги илк учрашувини 18 июнь куни Колумбияга қарши ўтказади. Учрашув Тошкент вақти билан 07:00 га белгиланган.
