Аббос Файзуллаев: "Бу — футбол. Бир нечта вазият яратиб ура олмайсиз, рақиб эса битта имкониятдан самара чиқариб кетади"
16 фев 15:02
Янгиликлар
Аббос Файзуллаев: "Бу — футбол. Бир нечта вазият яратиб ура олмайсиз, рақиб эса битта имкониятдан самара чиқариб кетади"
"Жуда муҳим ўйин эди. Рақиб — тўғридан-тўғри рақобатчимиз. Икки жамоа ҳам анчадан буён ютқазмаганди. 3 эмас, 6 очколик ўйин ҳисобланарди. Яхши тайёргарлик кўргандик. Уларда ҳам, бизда ҳам вазиятлар бўлди. Гол уриб ўйинни ҳал қилишимиз керак эди. Шундай вазият бўлдики, 1:2 ютқазаётиб, 2:2 қилдик. Ҳеч бўлмаганида шу натижани сақлаб қолишимиз керак эди, чунки дуранг бўлса катта нарса йўқотилмасди. 3 очко йўқотилгани қимматга тушиши мумкин.
Бу — футбол, уни тушуниб бўлмайди. Бир нечта вазият яратиб ура олмайсиз, рақиб эса битта имкониятдан самара чиқариб кетади. Эртадан машғулотларга киришамиз. Кейинги ўйинга тайёрланамиз.
Ўйиндан ўйинга анча ўрганиб қолдим. Ўзимни яхши ҳис қила бошладим.
Гол бўлишини жуда истадим, лекин тўсинга тегди. Нишонлашга тайёр эдим. У вазиятда Элдор аканинг айтиши бўйича тўп рақибнинг қўлига теккан. Яна бир вазиятда яққол қўлига тегди. Лекин билмадим, ҳакамлар беришмади", – деди Файзуллаев.
Ўхшаш янгиликлар
championat.asia
Испания кубоги. "Барселона" "Атлетико"ни йирик ҳисобда ютган ўйинда мадридликлар финалга йўл олди
Ҳамдамовга аталган оқшомда "Пахтакор" "Қўқон-1912"ни сафарда қийинчилик билан енгди
"Атлетико"ни йирик ҳисобда мағлуб этиб, кубокдан чиқиб кетган Флик нималар деди?
Суперлига. "Қизилқум" ўз майдонида "Андижон"ни мағлуб этди
Фикрлар