Xvan Son Xon: "Mag'lubiyatni o'z zimmamga olaman"
12 iyu 2022 21:44
Yangiliklar

Xvan Son Xon: "Mag'lubiyatni o'z zimmamga olaman"

Teglar : Xvan Son Xon

Janubiy Koreya U-23 bosh murabbiyi Xvan Son Xon Yaponiya U-23 bilan uchrashuvdan so'ng (0:3) matbuot anjumanida qatnashdi.

"Men tarkib tanlashda va taktikada xatoga yo'l qo'ydim. Mag'lubiyat uchun aybni o'z zimmamga olaman. Biz 3 ta to'p farqi bilan yutqazamiz deb o'ylamagandik, bunga loyiq emasdik. Bugun bizni stadionda qo'llab-quvvatlab turgan muxlislarga rahmat. Ulardan uzr so'rayman", — dedi koreyaliklar ustozi.

- Jamoangiz ko'p vaziyatlar yaratdi, biroq gol urolmadi. Nima uchun bunday bo'ldi?

- Bizga mahorat etishmadi. O'yin sifati va imkoniyatlardan unumli foydalanish ustida ishlashimiz kerak.

- Yaponiya haqida nima deya olasiz?

- Yaponiya yaxshi o'ynadi. Futbolchilarining tezligi lol qoldirdi.

Kuchli jamoa ekanligi ko'rinib turibdi. Bahsga ham yaxshi tayyorgarlik ko'rishgan ekan.

- Hakamlarga nisbatan qandaydir etirozingiz bormi?

- Hech qanday etiroz yo'q. Men hakamlar va ular chiqargan qarorni hurmat qilaman.

Havola :

Manba : Championat.asia

Yangiliklarni Telegramda o'qing!

Reyting: +8