Xose Venansio Lopes jarohatlar haqida: "Bu shunchaki omadsizlik"

- Tayyorgarlik haqida

Hozirgi kunda terma jamoamiz juda yaxshi sport formadamiz. Biz birinchi navbatda o'zimizning o'yinimizni raqibga taklif qilishimiz kerak. Yigitlarga va jamoamga to'liq ishonaman.

- Bosh murabbiylik faoliyatingizda ko'p marotaba mundiallarda ishtirok etgansiz. Bu safar Jahon chempionatidan kutilmalaringiz va maqsadlaringiz qanday?

- Biz qadamma-qadam maqsad reja tuzishimiz kerak, lekin eng dastlabki va eng muhim maqsadimiz guruhdan chiqish. Bu biz uchun eng muhim vazifa va ayni damda faqat shu haqida o'ylamoqdamiz.

- Jahon chempionati boshlanishiga bor-yo'g'i uch kun qoldi. Tayyorgarlikning so'nggi kunlari qanday o'tmoqda?

- Barchasi reja bo'yicha ketyapti. Bu hafta faqat Niderlandiya terma jamoasi haqida o'ylamoqdamiz. Barcha mashg'ulotlarda ham faqat va faqat Niderlandiya terma jamoasini o'rganish uchun sarflamoqdamiz.

- Niderlandiya terma jamoasini o'rganib chiqdingizmi?

- Ha, albatta. Niderlandiya terma jamoasi yaqinda Tojikiston terma jamoasi va Ispaniyaga qarshi o'yin o'tkazishdi. Barcha o'yinlarni tahlil qilib chiqdim. Yana bir bor takrorlayman, biz uchun eng muhimi o'zimizning o'yinimizni raqibga taklif etish. 

- Terma jamoamiz jarohatlar girdobida qolib ketdi. Bir necha kun avval terma jamoamiz sardori Dilshod Rahmatov mundialda ishtirok etmasligini bilib oldik. Jarohatlar soni bunchalik ko'payib ketganiga nima sabab bo'ldi deb o'ylaysiz?

- Ha, u jarohat oldi. Afsuski, biz ushbu vaziyatni o'zgartira olmaymiz. Dilshod jarohati sababli mundialda ishtirok etmaydi. Agar men bu muammoning echimini bilganimda, allaqachon ushbu muammoni bartaraf etgan bo'lar edim. Bu shunchaki omadsizlik.