Vitaliy Levchenko: “Durang adolatli natija bo'ldi”

O'yin haqida

- Ha, derbi kurashlarga boy o'tgan bo'lsa-da, 0:0 hisobidagi durang natija qayd etildi. Juda ko'p muxlislar, futbol atmosferasi, barchasi juda ajoyib. Bugungi o'yin juda kurashlarga boy o'tdi. Maydonning bazi qismlari futbolchilarning to'laqonli harakatlarini cheklab qo'ydi. Ko'proq uzun uzatmalar bilan oldinga o'tishga intildik. Har ikki jamoa oxirigacha kurashdi. Durang adolatli natija bo'ldi deb hisoblayman.

- Natijadan qoniqdingizmi?

- Yo'q, bunday natijalar oldimizdagi maqsadlarimizga etish uchun etarli bo'lmaydi. Har qanday murabbiy yoki futbolchi g'alabani istaydi. Ikki jamoa ham g'alabani istadi, biroq yakunda durang natija qayd etildi.

- Bilolxon Toshmirzaev maydonga tushirilmaganiga sabab nima?

- U juda tezkor va kreativ futbolchi. Driblinglarda ham yaxshi ishlaydi. Uning poziciyasi bilan bog'liq boshqacha rejalarni tuzgandik.

- Farg'onada o'tadigan kubok finali haqida fikringiz qanday?

- “Navbahor” ham, “Andijon” ham joriy mavsum juda katta ishtiyoq bilan kubok g'olibligiga kurashayapti. Qaysi jamoa g'olib bo'lsa ham, katta tarix yozadi. Muxlislar bilan to'ladigan katta atmosferali o'yin kutayapmiz. Ikki jamoaga ham omad tilayman.