Vidal paragvaylik muxlislarga Chilida 2ta Kopa Amerika sovrini borligi haqida ishora qildi, ammo...

Paragvay hisobda oldinga chiqib olganidan so'ng 71-daqiqada Vidal almashtirildi. Paragvaylik muxlislar Arturoni xushtakbozlik bilan kuzatib qo'yishdi.

37 yoshli xavbek bunga javob tariqasida futbolkasidagi gerbga teginb, Chili yutgan ikkita Kopa Amerikaga (2015 va 2016) ishora qilib muxlislarga ikkita barmog'ini ko'rsatdi. Biroq Paragvay ham ushbu turnirda ikki marta chempion bo'lgan (1953, 1979).

Uchrashuv Paragvayning 1:0 hisobidagi g'alabasi bilan yakun topdi. Chili saralashning 13 o'yinida 9 ochko to'plab, jadvalda oxirgi o'rinni egallab turibdi.