“Barselona” Bastoniga qiziqish bildirmoqda. “Inter” futbolchiga narx belgilagan

Alessandro Bastoni faoliyatini Ispaniyada davom ettirishi mumkin. ESPN nashrining xabar berishicha, “Barselona” “Inter” futbolchisini o'z safiga qo'shib olishdan manfaatdor. Ayni paytda kataloniyaliklar boshqa variantlarni ham ko'rib chiqmoqda.

“Barsa” sport direktori Deku italiyalik futbolchini, shuningdek, Pau Torres (“Aston Villa”) va Niko Shlotterbekni (“Borussiya Dortmund”) kuzatmoqda. Luka Vushkovich va Mikki van de Ven (“Tottenhem”), qolaversa, Natan Ake (“Manchester Siti”) nomlari ham “Barselona” bilan bog'lanmoqda.

Bastoni asosiy nomzodlardan biri sifatida etirof etilmoqda. Ammo futbolchining transfer narxi yuqoriligi shubha uyg'otmoqda: La Gazzetta dello Sport nashrining yozishicha, buning uchun 50 million evrodan ko'proq mablag' talab qilinadi.