"Tottenxem" "Real" himoyachisini transfer qilish bo'yicha muzokaralarni boshladi

Londonning "Tottenxem" klubi joriy mavsum yakunida Madrid "Real"ini tark etishi mumkin bo'lgan nemis himoyachisi Antonio Ryudiger bilan shartnoma imzolash bo'yicha ish boshladi. Ingliz klubi kelgusi yozgi transfer oynasida o'yinchini sotib olish imkoniyatini ko'rib chiqmoqda. Bu haqda TEAMtalk xabar berdi.

Manba malumotlariga ko'ra, "Tottenxem" Ryudigerni "Real" bilan yangi shartnoma imzolamaslikka ishontirishga umid qilmoqda. Ilgari himoyachi "oq kiyimlilar" safida qolish uchun sezilarli darajada maoshini kamaytirishga rozi bo'lgan edi.

Ryudiger hozircha kelajagi haqida qatiy qaror qabul qilishga shoshilmayapti, biroq u yana Angliyada o'ynash istagini bildirmoqda. U bilan shartnoma imzolash uchun kurashda "Vest Xem" va "Kristal Pelas" jamoalari ham ishtirok etmoqda.

Bundan tashqari, himoyachining Saudiya Arabistonida faoliyatini davom ettirish imkoniyati ham bor, u erda uni katta moliyaviy takliflar kutmoqda. Ryudigerning "Real" bilan amaldagi shartnomasi shu yoz tugaydi, uning transfer qiymati esa Transfermarkt baholashiga ko'ra 12 million evroni tashkil etadi.