ECHL. "Real Madrid" Valverdening xet-trigi evaziga "Manchester Siti"ni mag'lub etdi

ECHL. "Real Madrid" — "Manchester Siti" 3:0

Gollar: 20, 27, 42 - Federiko Valverde

Amalga oshirilmagan penalti: 58 - Vinisius Junior

"Real Madrid": 1. Tibo Kurtua, 12. Trent Aleksander-Arnold (2. Daniel Karvaxal, 83'), 22. Antonio Ryudiger, 23. Ferlan Mendi (20. Fran Gonsales, 46'), 24. Din Xyoysen, 8. Federiko Valverde, 14. Orelen Chuameni, 7. Vinisius Junior, 15. Arda Gyuler (6. Eduardu Kamavinga, 70'), 45. Tyago Pitarch (37. Manuel Moran, 76'), 21. Braim Dias (30. Franko Mastantuono, 76').

Zaxira: 13. Andrey Lunin, 17. Raul Asensio, 20. Fransisko Garsiya, 27. Diego Aguado, 28. Xorxe Sestero, 38. Sesar Palasios, 16. Gonsalo Garsiya.

"Manchester Siti": 25. Janluiji Donnarumma, 3. Ruben Diash, 15. Mark Gexi, 33. Niko O'Rayli, 45. Abduqodir Husanov, 20. Bernardu Silva (21. Rayan Ait-Nuri, 70'), 16. Rodri, 11. Jeremi Doku, 26. Savio (4. Teyani Reynders, 46'), 42. Antuan Semeno (10. Rayan Sherki, 70'), 9. Erling Xoland (7. Omar Marmush, 82').

Zaxira: 1. Jeyms Trafford, 13. Markus Bettinelli, 5. Jon Stounz, 6. Natan Ake, 27. Mateus Nunes, 68. Maks Alleyn, 14. Niko Gonsales, 47. Fil Foden.

Ogohlantirishlar: 57 - Janluiji Donnarumma, 82 - Rayan Ait-Nuri

90+4. O'yin yakunlandi.

90. O'yinning asosiy vaqtiga 4 daqiqa qo'shib berildi.

89. Marmush darvoza tomon zarba berdi, aniq bo'ldi, Kurtua ushlab oldi.

85. O'yin oxirlab qoldi, aytarli vaziyat yaratmayapti jamoalar. Kelgusi o'yinga intriga qolishi uchun "Siti" urishi, masalani to'liq hal qilish uchun esa "Real" yana bitta to'p kiritishi kerak.

78. Dokuning zarbasi darvozaga aniq bormadi.

75. Kurtuadan dahshat reakciya! Pitarchning xatosidan keyin O'Rayli to'pni darvozaga tepdi, bu zarbani Kurtua oyoqlari bilan qaytarib yubordi!

73. Reyndersning uzoqdan tepgan to'pi rekoshetga uchrab maydonni tark etdi.

68. Semeno to'pni jarima maydonchasi markaziga uzatdi, Ryudiger to'pni qaytarib yubordi...

66. Vinisiusning navbatdagi zarbasi xavfli bo'ldi, lekin noaniq.

63. Bu safargi zarba Ardadan, ammo noaniq bo'ldi.

62. Vinisius jarima maydonchasiga kirib turib zarba berdi, Janluiji qaytardi.

59. Dokuning uzatmasidan so'ng sal qolsa Ryudiger o'z darvozasini ishg'ol qilib qo'yishi mumkin edi.

58. Vinisius penaltidan gol ura olmadi!!! Janluiji to'pni qaytardi!

56. Penalti "Siti" darvozasi tomon! Vinisius darvozabon bilan birga-bir vaziyatga chiqib bordi, ammo Donnnarumma Vinini yiqitdi.

55. Semenodan zarba, Kurtua to'pni qaytardi.

48. Reynders burchakdan to'pni uzatdi, O'Rayli esa bo'sh darvozaga to'pni kirita olmadi.

47. Yaxshi hujum "Real"dan! Braim jarima maydonchasiga kirib borib zarba berdi, Donnnarumma to'pni qaytardi!

46. Har ikki jamoa ham bittadan o'zgarishni amalga oshirdi.

46. Ikkinchi bo'lim boshlandi.

Uchrashuvning dastlabki bo'limidan keyingi statistika:

To'p nazorati - 45% - 55%

Darvoza tomon zarbalar - 6 - 3

Aniq zarbalar - 4 - 1

Burchak zarbalar - 1 - 3

Uzatmalar aniqligi - 88% - 89%

Seyvlar - 1 - 1

45+1. Birinchi bo'lim yakunlandi!

45. Birinchi bo'limga 1 daqiqa qo'shib berildi.

Vini hujumni boshladi, Tyagoga keldi, u Braimga uzatdi, Dias ajoyib tarzda to'pni Fedega oshirdi, Valverde esa ajoyib zarbasi bilan hisobni uchtaga oshirdi!

42. GOL! Fede!!! Xet-trik! Nima qilyapti bu bola?

41. Oxirgi 10 daqiqada aytarli hujum ko'rmadik, bahs asosan maydon markazida kechmoqda.

34. Temp birozgina tushdi, "Siti" to'p nazoratini o'ziga olmoqchi. Kuzatamiz...

28. Haaa, do'stlar! Bu futbol va unda nazariy favoritlar ro'l o'ynashmaydi doim ham...

27. GOL! Fede Valverdedan dubl! Vinisiusning uzatmasi rekoshetga uchrab to'p Fedega keldi, urugvaylik futbolchining zarbasi golga aylandi!

23. Qiziq fakt! Kurtua ECHLning joriy mavsumida ikkinchi asistini amalga oshiribdi.

21. Dahshat o'yin, zo'r temp, buyog'iga Gvardiola va uning shogirdlari nima qiladi, qiziq!

20. GOL! Valverde hisobni ochdi! Fede katta tezlikda oldinga yurish qildi, himoyachi va darvozabonni aldab o'tdi hamda bo'sh qolgan darvozani ishg'ol qildi! 

19. Bernardudan xavfli zarba! To'p darvoza yonginasidan o'tib ketdi...

13. Yana chapdan hujum "Siti"da, bu safar to'pni O'Rayli uzatdi, yana zarba berishga hech kim yo'q.

8. Donnarummadan seyv! Braim o'ziga uzatilgan to'pni darvozaga yo'lladi, "Siti" darvozaboni qaytardi!

8. Yana Doku, yana pas, bu safar ham darvozaga zarba berilmadi...

7. Doku to'pni erlatib jarima maydonchasi markaziga uzatdi, biroq yakuniy zarbani beradigan futbolchi topilmadi.

6. Semenodan zarba! Erlatib tepilgan to'pni Kurtua ushlab oldi.

3. O'yin faol boshlandi, avvalo "Real", keyin "Siti" oldinga o'tdi, ammo xavfli bo'lmadi hujum.

1. O'yin boshlandi!

- Assalomu alaykum qadrli futbol ixlosmandlari! Sizlarni ECHL 1/8 final doirasidagi "Real" — "Manchester Siti" uchrashuvining matnli translyaciyasini kuzatib borishga taklif qilamiz!