Superliga klublari akademiyalari va bolalar maktablari mutaxassislari uchun Yaponiyada seminar o'tkazildi

Bu haqda O'FA matbuot xizmati xabar berdi.

Avval xabar berganimizdek, shu yilning 5 mart kuni mamlakatimizda bolalar futboli bo'yicha faoliyat olib borayotgan futbol Akademiyalari va futbol maktablari mutaxassislari, malakali bolalar murabbiylarining bir guruhi Yaponiyaga jo'nab ketishgandi.

Mazkur safar O'zbekiston milliy olimpiya qo'mitasi prezidenti va O'zbekiston futbol Associaciyasi 1-vice-prezidenti Umid Ahmadjonovning Tokioda Yaponiya Futbol Associaciyasi Prezidenti Tashima Kodzo bilan rasmiy uchrashuv davomida imzolagan memorandumi asosida tashki etilganini ham alohida takidlash kerak.

Safardan ko'zlangan asosiy maqsad yurtimizda bolalar futboli va ommaviy futbolni rivojlantirish bo'yicha Yaponiya taraqqiyot modelini va tajribasini O'zbekistonda tatbiq qilish, yurtimizdagi bolalar musobaqalari va futbol tadbirlarida selekciya ishlarini takomillashtirishda Yaponiya mamlakati tizimidan foydalanishdan iborat.

Mazkur safar bilan bog'liq masalalar bo'yicha Yaponiya Futbol Associaciyasida maxsus ishchi guruh tuzildi. Associaciyaning xalqaro aloqalar bo'limi mutaxassisi, o'zbekistonliklar delegaciyasiga masul xodim Tomo Sugiyama o'zbekistonliklarning Yaponiyadagi tashrifi dasturini ishlab chiqdi.

Unga ko'ra, delegaciyamiz azolariga  Yaponiya U-19 terma jamoasi murabbiyi Masanaga Kageyama seminar o'tkazdi. Seminar davomida yaponiyalik mutaxassis terma jamoaga futbolchilarni selekciya qilish, jamoa bilan mashg'ulotlar o'tkazishning uslublari va asosiy principlarini tushuntirdi. Bundan tashqari, hamyurtlarimiz Jey-Liga uchrashuvlarini tomosha qilishlari va Yaponiya U-14, U-15 va U-18 terma jamoalari mashg'ulotlarini kuzatib borishlari ham rejalashtirilgan.