Timur Kapadze: "Argentina va Urugvay bilan o'yin... Bu malumot haqiqatga yaqin"

- Oxirgi mish-mishlarga ko'ra, O'zbekiston terma jamoasiga xorijdan murabbiy keladi degan gaplar bor.

- Bunga aniqlik kiritilmagan, hali associaciya bu haqida elon qilgani yo'q. Kim murabbiy bo'lishidan qatiy nazar terma jamoa jahon chempionatida yaxshi ishtirok etsa bo'ldi. Hozircha bosh murabbiy rolida menman, reja bo'yicha tayyorgarli ko'ryapmiz.

- Agar chetdan murabbiy kelsa, sizni yordamchi murabbiy sifatida olib qolishni xohlashsa bu taklifga qanday javob bergan bo'lardingiz?

- Bu borada biror narsa deyish qiyin. Yaxshi o'ylab, keyin bir qarorga kelaman.

- Sentyabr oyi uchun taqvimimiz malum. Terma jamoamiz oktyabr va noyabrdagi FIFA kunlarida ham o'rtoqlik o'yinlarini rejalashtiryapti. Qaysi jamoalar bilan o'ynashimiz aniq?

- Faqat sentyabr oyi uchun malum. Qolganlari haqida aniq malumot yo'q. Elon qilishsa, bilib olamiz.

- Eshitishimizcha, Argentina va Urugvay terma jamoalari bilan muzokaralar o'tkazilayotgan ekan...

- Bu malumot haqiqatga yaqin. Xitoy ushbu jamoalarni va bizni musobaqaga taklif qilgan. Ular kela oladimi, yo'qmi, buni vaqt ko'rsatadi.

- Qo'shni mamlakat saytlarida O'zbekiston - Qozog'iston o'rtasida o'rtoqlik uchrashuvi o'tkazilishi haqida yozishyapti. Bu bahs haqida qanday fikrdasiz?

- Bu o'yin ularning rejasida bordir, menda malumot yo'q. Associaciya bizga malumot bersa, birgalikda qaror qabul qilamiz.

- Avgust oyidagi CAFA musobaqasida terma jamoamiz ishtirok etadi. Bu turnirda milliy jamoa uchun yangi futbolchilarni sinovdan o'tkazasizmi yoki Katanec tarkibi maydonga tushadimi?

- Albatta, bu turnirda terma jamoaga davogar bo'lganlarga imkoniyat beramiz. Ularni sinovdan o'tkazamiz.