Superliga. 14-tur laureatlari

Championat.asia tur bahslari asosida tur laureatlarini aniqladi.

"Surxon" klubi bu tur Bekobodda "Metallurg"ga qarshi o'ynadi va bir kishi kam bo'lib g'alabaga erishdi. Termiz klubi 59-daqiqadan boshlab 10 kishi bo'lib qoldi va shunga qaramay so'nggi daqiqalarda penaltidan gol urib safardan o'ta muhim 3 ochko bilan qaytdi. SHu bois Bahrom Haydarov championat.asia sayti talqiniga ko'ra 14-turning eng yaxshi murabbiyi deb topildi.

"So'g'diyona" bu tur Olmaliqda "Navbahor"ni qabul qildi va kichik hisobda g'alaba qozondi - 1:0. Ushbu bahsda mezbonlar posboni Milan Mitrovich juda yaxshi o'ynadi. U bellashuv davomida jamoasini bir necha bor muqarrar gollardan saqlab qoldi. SHu bois Championat.asia sayti talqiniga ko'ra, 14-turning eng yaxshi darvozaboni Milan Mitrovich bo'ldi.  

Bu turda "Andijon" yarim himoyachisi Vladislav Vasilev burchak zarbasidan to'pni to'g'ri "Qizilqum" darvozasiga kiritdi va tur goli muallifiga aylandi. 

Yuqorida takidlanganidek "Surxon" bu tur "Metallurg"ni safarda 1:0 hisobida mag'lub etdi. SHu kuni termizliklar safida Jasur Xolto'raev juda faol o'ynadi va aynan unga nisbatan ishlatilgan qo'pollikdan keyin bosh hakam "Metallurg" darvozasiga penalti belgiladi. O'sha penaltidan urilgan gol esa o'yin taqdirini hal qildi. SHu tariqa, Jasur Xolto'raev championat.asia talqiniga ko'ra 14-turning eng yaxshi futbolchisi deb topildi.

Coca Cola Superliga. 14-tur ramziy terma jamoasi        

O'zbekiston chempionati turnir jadvali >>>>> Superliga