Srechko Katanec: "Terma jamoada nimalar qilganimizni va qanday yutuqlarga erishganimizni bilishingiz kerak"

O'zbekiston milliy terma jamoasi bosh murabbiyi Srechko Katanec sog'lig'i bilan bog'liq muammolar sababli O'zbekiston futbol associaciyasi bilan tuzilgan shartnomani o'zaro rozilik bilan bekor qilishga qaror qildi. Ushbu xabarlardan so'ng saytimiz jurnalisti Abdulvosit Bektemirov sloveniyalik mutaxassis bilan bog'landi.

- Salom, janob Srechko. Bezovta qilganim uchun uzr, lekin ushbu damlarda sizga kuch va matonat tilayman. Ishonamanki, siz bu qiyinchilikni muvaffaqiyatli engib o'tasiz. Siz bilan ishlash ancha qiziqarli bo'ldi. Terma jamoamiz o'yinlari orqali o'zbek xalqini xursand qilish uchun chin dildan mehnat qilganingizni qadrlayman. 

Ishonchim komilki, biz mundialga yo'l olamiz va siz O'zbekiston terma jamoasining Jahon chempionatidagi debyut uchrashuvini tribunadan kuzatasiz. 

O'zbekiston terma jamoasidagi faoliyatingiz haqida bir nechta savollarim bor edi. Ushbu savollarga javob bera olasizmi?

- Salom. Barcha tilaklaringiz uchun rahmat. Savollarga kelsak, biz nimalarga erishganimiz va undagi mening tutgan o'rnim haqida gapirishim shart emas. Siz terma jamoada nimalar qilganimizni va qanday yutuqlarga erishganimizni bilishingiz kerak. Men shunchaki O'zbekistondagi barcha insonlarga salom yo'llayman, men uchun terma jamoa murabbiyi bo'lish katta sharaf va baxt edi. Barchaga omad va yaxshilik.

Breaking! Srechko Katanec O'zbekiston MTJni tark etdi