"Sovetskiy sport": "Eron va Janubiy Koreyani mag'lub et va JCHga yo'llanma ol"
29 mar 2017 23:55
Yangiliklar

"Sovetskiy sport": "Eron va Janubiy Koreyani mag'lub et va JCHga yo'llanma ol"

Rossiyaning "Sovetskiy sport" nashri Rossiyadagi mundialga Sobiq Ittifoq mamlakatlarining qaysi birlari chiqish imkoniyati ega ekanligini tahlil qildi.

Unga ko'ra Osiyo qitasidan faqat O'zbekistonda imkoniyat borligi aytilgan:

Jahon chempionatiga chiqish uchun ushbu qitada uchta bosqichdan o'tish kerak. Sobiq Ittifoq mamlakatlaridan Qirg'iziston, Tojikiston va Turkmaniston ikkinchi bosqichda to'xtashdi. O'zbekiston ayni paytda uchinchi bosqichda Eron, Janubiy Koreya, Suriya, Qatar va Xitoy bilan bir guruhdan o'rin olgan.

Saralash tugashiga uchta tur qolganida O'zbekiston Janubiy Koreyadan bir, Erondan – besh ochkoga ortda qolmoqda. JCH-2018ga ikki terma jamoa to'g'ridan-to'g'ri yo'llanma oladi. Uchinchi o'rin sohibi narigi guruhdagi uchinchi jamoa bilan to'qnash keladi. Bu katta ehtimol bilan Avstraliya bo'ladi. Yaponiya va Saudiya Arabistoni dastlabki ikki o'rinni olishi deyarli aniq. Pley-off g'olibi JCH-2018 yo'llanmasi uchun KONKAKAF mintaqasi vakili bilan o'ynaydi.

Hozircha barchasi O'zbekistonning o'z qo'lida – oxirgi uchta o'yinning ikkitasi asosiy raqobatchilari bo'lgan Eron va Janubiy Koreyaga qarshi. Ularni mag'lub et va sen Jahon chempionatidasan, - deb yozadi "Sovetskiy Sport" nashri.