Son Xyon Min: "Yaponiya yoki Saudiya Arabistoni? Musobaqada g'alaba qozonmoqchi bo'lsangiz, istalgan raqibga tayyor bo'lishingiz kerak"

Malumot uchun, Koreya Respublikasi Osiyo kubogi ikkinchi turida Iordaniya bilan jangovar (2:2) durang o'ynadi. O'yindan keyin Koreya Respublikasi terma jamoasi sardori Son Xyon Min OAV vakillariga intervyu berdi. Ular orasida Championat.asia jurnalistlari ham bor edi. Son o'yin haqida gapirar ekan, o'z harakatlaridan qoniqmaganini va keyingi bosqichdagi raqib kim bo'lishi unchalik ham ahamiyatga ega emasligini bildirdi.

- Bugun musobaqadgi ilk golingizni kiritdingiz. Bundan qanchalik mamnunsiz?

- Unchalik ham mamnun emasman. To'g'ri, gol kiritdim. Biroq, terma jamoamiz bugun g'alaba qozona olmadi. Harakat qilishda davom etamiz.

- Bugun ko'rsatgan o'yiningdan qoniqdingizmi?

- Yo'q, umuman qoniqmadim.

- Koreya Respublikasi ayni damdagi holatga ko'ra Saudiya Arabistoni yoki Yaponiya bilan to'qnash kelishi mumkin. Bu haqida fikringiz qanday?

 - Buni umuman farqi yo'q. Agar siz turnirda g'alaba qozonmoqchi bo'lsangiz, istalgan raqib bilan to'qnash kelishga tayyor bo'lishingiz kerak. Oldinda yana bir o'yin bor. Pley-off haqida ushbu uchrashuvdan keyin o'ylaymiz. Kelajak qanday bo'lishini hech qachon bila olmaysiz. 

- Iordaniyaga qarshi uchrashuv bu qadar qiyin bo'lishini tahmin qilganmidingiz?

- Albatta. Ko'pchilik bu o'yin oson bo'lishi haqida gapirgandi, ammo ko'rib turganingizdek, Osiyo kubogida birorta ham oson o'yin bo'lmaydi. Jismonan va ruhan o'yinga tayyor bo'lmasangiz natija siz o'ylagandek bo'lmaydi, jabr chekib qolishingiz mumkin. Bugun shuning yaqqol misolini ko'rdik. Jamoa sifatida Iordaniyaga qarshi o'yinda ko'p narsa o'rgandik. Yaxshiyamki, bu holat guruh bosqichida yuz berdi. Bizda vaziyatni o'nglash imkoniyati etarli.

J.I