So’nggi yangiliklar

01:46Ўзбекистон терма жамоасининг шанба кунги машғулоти  1 01:42Миллатлар лигаси. Испания, Португалия, Сербия, Руминияда ғалаба, Беларусь ва Шимолий Ирландия нурсиз дуранг ўйнади  4 01:31"Ливерпуль" туркиялик футболчига қизиқмоқда  2 00:49"Хвича икки йилдан сўнги Англия ёки "Реал"га йўл олади. Бошқалар унинг учун тўлай олишмайди"  1 23:28"Ал Ҳилол" келаси йили Винисиус Жуниорни харид қилмоқчи  4 22:57Миллатлар лигаси. Хорватия ўз уйида ғалабага эришди, Болгария — Люксембург ўйинида 11та сариқ карточка кўрсатилди  6 22:07Ўткир Юсупов: "Эрон билан ўйинда 1 очко ҳам яхши натижа, БААни эса мағлуб этмоқчимиз"  7 21:41Суперлига. "Динамо" — "Навбаҳор" 0:1  0 21:29Мбаппе Франция терма жамоасининг фақат муҳим ўйинларида ҳаракат қилмоқчи. "Реал" форварди 2025 йилги "Олтин тўп"ни кўзлаган  3 20:55Суперлига. "Навбаҳор" 14-турнинг қолдирилган ўйинида "Динамо"дан устун келди  35 20:26Ўзбекистон терма жамоасининг бугунги машғулотларидан ФОТОГАЛЕРЕЯ  0 19:49"Манчестер Сити"нинг машҳур спорт директори клубни тарк этяпти  4 19:18Кроос "Реал"га қайтяпти  5 18:45Ўзбекистон терма жамоасининг машғулоти Сречко Катанец назорати остида ўтади  43 18:25Про лига. Бешимовнинг голи "Қўқон-1912"га ғалаба тақдим этди  2

Samvel Babayan: "Natija adolatli bo'ldi. Raqib maydoniga shunchaki o'yin o'tkazish uchun bormaymiz" Yangiliklar

Samvel Babayan: "Natija adolatli bo'ldi. Raqib maydoniga shunchaki o'yin o'tkazish uchun bormaymiz"

OCHL 1/8 finalidan o'rin olgan "Navbahor" - "Al Ittihod" uchrashuvidan keyin mezbonlar bosh murabbiyi Samvel Babayan matbuot anjumanida ishtirok etdi.

- O'yin haqida...

- Bugun o'z stadionimizda muhim o'yin o'tkazdik. Bundan tashqari, joriy mavsumdagi ochilish uchrashuvi edi. Muammolarimizni inobatga oladigan bo'lsak, optimal formada emasligimiz aniq. Bazi futbolchilarimiz etib kelganiga bir hafta bo'ldi. O'yinchilarning to'p orqali aloqaga kirishishida sezilar-sezilmas muammolar mavjud edi. SHunga qaramay, yigitlar uyushqoq va zich o'yin namoyish eta olishdi. Eng muhimi, to'pga tashnalik edi. Biz maydonning har bir qismida kurashdik, buning uchun yigitlardan minnatdorman. Natijaga kelsak, tabiiyki, Osiyoning eng kuchli jamoalaridan biriga qarshi o'ynadik. Ularga qarshi ochiq futbol namoyish etish qimmatga tushishi mumkin edi. O'ylashimcha, natija adolatli bo'ldi.

- Ibrohim Yo'ldoshev jarohat olganidan so'ng Yovan Jokichni markaziy himoyaga tushirdingiz. Yangi mavsumdan Jokichni yangi poziciyada ko'rarmiz?

- Darhaqiqat, bu zaruriyat edi, chunki Yo'ldoshev jarohat sababli ishtirok eta olmadi. Ammo tarkibni hisobga oladigan bo'lsak, bizda top darajadagi futbolchilar soni cheklangan. SHuning uchun Jokichni boshqa nuqtaga qo'ydik. Jokich bugun ishonchli o'yin namoyish etdi. U eng ishonchli futbolchilardan biri, shuning uchun unga istalgan poziciyani bemalol ishonib topshirish mumkin.

- Jamoaga yangi taklif etilgan Farruh Sayfiev va Odil Hamrobekov Osiyo kubogi sababli "Navbahor" yig'inida ishtirok etmadi, lekin bugungi o'yin ko'rsatdiki, bu ikki futbolchi jamoaga juda tez moslashdi. Qolgan yangi futbolchilarda bu jarayon qanday kechmoqda, shuningdek, transfer oynasi yopilgunga qadar klubda yangilik bo'lishi mumkinmi?

- Yuqoridagi futbolchilarga moslashish uchun ko'p vaqt talab etilmasa kerak. SHunigdek, bugun Ruslan Jiyanovni ham etirof etishim joiz, u yaxshi o'ynadi, ko'p ishladi, raqib darvozasi yonida xavf tug'dira oldi. Eng asosiysi, u mudofaalanishda uyushqoqlik bilan yordam berdi. Vaziyat shundayki, transfer oynasi ochiq, lekin endi keladiganlar CHempionlar ligasida ishtirok eta olmaydi. Bu haqda o'ylab ko'ramiz. Ammo bizning optimal byudjet cheklangan. SHu bois, tanlovlarni cheklaganmiz. Menimcha, bugungi kunda etarlicha futbolchilarga egamiz. Buni klub rahbariyati bilan muhokama qilamiz. 

Bugun g'alaba qozonishimiz mumkin edi. Uchrashuvning bu darajada keskin bo'lishiga sabablar bor. Ehtimol, raqib darajasiga etibor berish lozimdir. Ular Osiyoning eng yaxshi jamoalaridan biri. Ikki futbolchisi Evropa CHempionlar ligasi g'olibiga aylangan. SHu bois, o'yin biz uchun qiyin bo'ldi, ayniqsa, dastlabki bahs bo'lgani uchun. Biz hali optimal formada emasmiz. O'yindan o'yinga haqiqiy darajamizga chiqib boramiz. SHuni aniq aytishim mumkin, raqib maydoniga shunchaki ikkinchi jamoa bo'lib o'yin namoyish etish uchun bormaymiz. Buni "Navbahor" va o'zbekistonlik muxlislarga isbotlaganmiz. Biz raqib maydoniga o'z o'yinimizni ko'rsatish va kerakli natijaga erishish uchun boramiz. O'ylaymanki, javob o'yinini yuqori darajada o'tkazamiz.

Reyting: +24   

Fikrlar

championat.asia
< so’nggi yangiliklarni ko’rish
Яндекс.Метрика