Saytda yangi yuzerlar!

14-18 iyul kunlari oralig'ida ro'yxatdan o'tish ochildi va bir necha nafar o'quvchilar saytimiz "yuzeri"ga aylandilar. Ammo doim ham saytimizda ro'yxatdan o'ta olmaysiz. Sababi, biz bu erda do'stlik rishtalarini tuzish tarafdorimiz. Har kuni bir nechta o'quvchilarning turli niklarda ro'yxatdan o'tishlari natijasida kelishmovchiliklar va shunga o'xshagan xunuk holatlar kelib chiqishi bois ham shu tartibda faoliyat olib boramiz. Natija esa chakki emas, juda ko'pchilik ahil va inoq. "Barsa" va "Real"chilar ham yo'q, aniqrog'i bor, ammo bizning o'quvchilar buni shunchaki bir o'yin ekanligini tushunib etganlar, o'zlariga tegishli bo'lmagan kishilarni deb urishmaydilar.

Registraciya ochilganidan keyin saytimizda bir-ikki nafar shunday o'quvchilar oraladi, lekin biz darhol keskin choralarni ko'rdik. Saytni 7 yoshdan 70 yoshgacha bo'lgan azolari bor. Kichiklar, doim kattalarni hurmat qiling. Futbol hammamizdan qolib ketadigan sportning oddiy bir o'yini xolos, mehr-oqibat esa doim kerak.

Kecha tekshirib chiqsam, saytda 7000dan ziyod o'quvchi ro'yxatdan o'tgan. SHulardan 200ga yaqini qaytib chiqmaydigan blokda. Demak, 6000 nafardan ziyod o'quvchi faol holatda, ammo ularning 90% faqat xabaralarni mutolaa qiladi. Bazan o'z loginini ishlatib qo'yadiganlar ham ancha ko'p.

"CA" bir oila, xodimlar, futbolchi-yu murabbiylar va o'quvchilar. Biz shunday bo'lishi tarafdorimiz. Iltimos, asabingizni oilangiz uchun asrang!