Rustam Ashurmatov: "O'zimizga o'zimiz yutqazmasak, bu guruhda hech kim bizni mag'lub eta olmaydi"

"Futbolda ko'p narsa hissiyotlarga bog'liq, balki g'alaba qozonishni juda ham istab yuborayotgandaymiz. Umumiy olib qarasak, KXDRga qarshi kechgan o'yinga qaraganda bugun yaxshiroq o'ynadik. Bugun raqiblar bor-yo'g'i ikkita vaziyatga ega bo'lishdi, ammo shu vaziyatlardan gol ura olishdi. Qirg'iziston bundan ortiq vaziyatlarga ega bo'lmadi. Muhimi uch ochkoni qo'lga kiritdik. Maydon maysasi ideal emasdi, ammo maydon holati yomon edi deb ham ayta olmayman. O'zimizga o'zimiz yutqazmasak, bu guruhda hech kim bizni mag'lub eta olmaydi. Kojo tezkor futbolchi ekanligini bilardik va shu sababli uni ikki kishi bo'lib qo'riqladik. Keyingi uchrashuvda yanada kuchliroq jamoa bo'la olishimizga ishonaman. O'yindan o'yinga kuchayib borishga majburmiz" - dedi Rustam Ashurmatov bugungi uchrashuv haqida