Ruben Amorim: "Keyingi yil ham shu bosqichda xuddi shu muammolar bilan qolamiz yoki hozir boshlab, biroz tavakkal qilamiz"

"Bilaman, bu muxlislarni xafa qiladi, lekin bizda ko'p o'yinlar bo'lgan bir paytda ko'p narsani o'zgartirmoqdamiz. Biz uzoq vaqt azob chekamiz va o'yinlarda g'alaba qozonishga harakat qilamiz, ammo bu vaqt talab etadi.

Biz "Ipsvich"ga qarshi o'yinda g'alaba qozonishimiz kerak edi, lekin Onana bo'lmaganida mag'lub bo'lardik. SHuning uchun buni to'g'ri tushunishimiz va pragmatik bo'lishimiz kerak deb o'ylayman. Yigitlar o'zgarishlarga ko'nikish uchun ikki kun mashg'ulot o'tkazishdi.

O'yinchilar uch kun ichida yangi g'oyalarni o'zlashtirishi qiyin. O'ylaymanki, shuning uchun ular meni mavsum o'rtasida olib kelishdi va biz ular (Erik ten Hag qo'l ostida – tahr.) qilgan ishlarini o'zgartirishga harakat qilyapmiz.

Yoki keyingi yil ham shu bosqichda xuddi shu muammolar bilan qolamiz, yoki hozir boshlab, biroz tavakkal qilamiz, ozgina azob chekamiz va keyingi yil bu bosqichda yaxshiroq holatda bo'lamiz, shuning uchun tavakkalga qo'l urishimiz lozim", – dedi Amorim.

Eslatib o'tamiz, "Manchester Yunayted" Amorimning debyut uchrashuvida "Ipsvich" bilan bahs olib borib, durang o'ynadi.