Ravshan Ermatov JCH hakamlari uchun tashkil qilinadigan FIFA seminarida ishtirok etadi
18 dek 2017 18:24
Yangiliklar
Ravshan Ermatov JCH hakamlari uchun tashkil qilinadigan FIFA seminarida ishtirok etadi
Kelasi yilning 5-9 fevral kunlari Qatar poytaxti Doha shahrida Rossiya Federaciyasida o'tkaziladigan Jahon chempionatida ishlashga nomzod bo'lgan hakamlar ishtirokida seminar tashkil etiladi.
Ushbu seminarda barcha qitalardan taklif etilgan jami 36 nafar hakam ishtirok etadi. Osiyodan Fahad Al-Mirdasiy (S.Arabistoni), Alirizo Fag'oniy (Eron), Muhammad Abdulla (BAA), Ryuiji Sato (Yaponiya), Navof SHukrullo (Bahrayn) qatorida hamyurtimiz FIFA referisi Ravshan Ermatov ham qatnashadi.
Jahon chempionatiga nomzod hakamlar seminar davomida fitnes testlar ham topshirishi rejalashtirilgan.
Bungacha shu yilning noyabr oyida BAAning Abu Dabi shahrida JCH hakamlari uchun o'quv-mashg'ulot yig'ini tashkil etilgan bo'lib, hamyurtimiz Ravshan Ermatov ham ushbu o'quv-mashg'ulotlarda ishtirok etgandi.
Fikrlar