Rauf Inileev: "Bunyodkor"ga munosib qarshilik ko'rsatdik"

"Derbi doim og'ir o'tadi. Raqib O'zbekistonning eng kuchli klublaridan biri edi. Bizning jamoa butun o'yin davomida munosib ko'rindik. Uchrashuvda biz ham, mehmonlar ham yutishi mumkin edi.

Bugungi kunda stadion maydoni yaxshi holatda ekan. Bundan albatta quvondim, bu erda chiroyli o'yin ko'rsatish mumkin.  

"Obod" o'tgan yil oliy ligada debyutant edi. SHu bois biroz osonroq bo'lgandi. Hozir esa barcha bizga qarshi oliy liga klubi sifatida maydonga tushadi.

Navro'z Xaipov birinchi ligadan keldi va o'rtoqlik uchrashuvlarida o'zini yaxshi ko'rsatdi. U oliy liganing dastlabki ikki turida ham gol urdi. Norxonov esa tezkor va boshi bilan yaxshi o'ynaydi. Agar yana bir hujumchi topganimizda ajoyib bo'lardi.

Katta tanaffusdan so'ng yana "safga" qaytganimdan xursandman", - deydi Rauf Inileev.

"Obod" matbuot xizmati