Yandex Uzbekistan va PFL hamkorligi: Allplay va Kinopoisk platformalarida o'yinlarni translyaciya qilish to'g'risida kelishuv

O'zbekiston Pro-ligasi va Superligasi o'yinlarini Allplay hamda Kinopoisk platformalarida onlayn namoyish qilish, Yandex brendlarini futbolning oflayn infratuzilmasiga, PFLning raqamli muhitiga tizimli integraciya qilish va muxlislar bilan bevosita muloqot o'rnatish hamkorlikning asosiy yo'nalishlaridan bo'ladi.

Kelishuv doirasida Yandex Uzbekistan Superliganing rasmiy hamkori maqomiga ega bo'ladi, shuningdek, Pro-liganing titul homiysiga aylanadi. Hamkorlik Yandex ekotizimining xizmatlari va brendlarini futbol media-muhitiga, stadionlar infratuzilmasiga hamda ligalarning kommunikaciya formatlariga kompleks integraciya qilishni nazarda tutadi. O'yin kunlari muxlislar uchun Yandex xizmatlari (Allplay, Yandex Music, Yandex Go, Alisa va boshqalar) tomonidan maxsus faolliklar, stadionlarda interaktiv formatlar, xizmatlarning faol foydalanuvchilari va Yandex Go haydovchilari uchun to'pga ramziy zarba berish, shuningdek, filmlar, seriallar va musiqiy relizlar premeralariga bag'ishlangan mavzuli maxsus loyihalar o'tkaziladi. Bundan tashqari, raqamli integraciyalar, qidiruv tizimida maxsus mexanikalar va shahar xizmatlarining ko-brendingi masalalari ko'rib chiqilmoqda. Hamkorlik doirasida yoshlar sportini rivojlantirishga va futbol hamjamiyatiga yangi auditoriyani jalb etish bo'yicha qo'shma tashabbuslar yaratishga alohida etibor qaratiladi.

“Sportni qo'llab-quvvatlash kompaniyamiz faoliyatining muhim yo'nalishlaridan biridir. Yandex Uzbekistan va PFL hamkorligi mamlakatimiz futbol ekotizimiga texnologiyalar va raqamli echimlarning tizimli integraciyalashuvini rivojlantirishga imkon berishidan mamnunmiz. Bu muxlislar uchun yanada ko'proq imkoniyatlar, yangi tajriba, kontent va yorqin taassurotlar eshigini ochadi”, — deya takidladi Yandex Uzbekistan rahbari Izzat Shukurov.

Yandex Uzbekistan sport madaniyatini ommalashtirishga hamda kontentni yanada qulay va zamonaviy qiladigan texnologik echimlarni joriy etishga qaratilgan tashabbuslarni izchil rivojlantirib kelmoqda. Bunday loyihalar qatoridan Mangu Professional League bilan hamkorlik, MOC kreativ prodyuserlik markazi bilan birgalikda “Diyora. Nozik yo'l” hujjatli filmini suratga olish, shuningdek, sportni raqamlashtirish va infratuzilma yaratish loyihalari doirasida O'zbekiston MOQ bilan hamkorlik o'rin olgan.

“Futbolni va umuman sportni rivojlantirish – ligamizning asosiy ustuvor yo'nalishlaridan biridir. Biz uchun nafaqat chempionat o'tkazish, balki yoshlar o'rtasida sportga bo'lgan barqaror qiziqishni shakllantirish, auditoriyani kengaytirish va futbol atrofida zamonaviy infratuzilma yaratish ham muhimdir. Yandex Uzbekistan bilan hamkorlik O'zbekistonda sportning raqamli ekotizimini rivojlantirishda yana bir muhim qadam bo'lib, milliy futbolning onlayn makondagi ishtirokini kengaytirishga xizmat qiladi”.