PRO-Liga, “A” guruhi. Eng tezkor gol va boshqalar haqida

Futbol gollar bilan o'ziga xos joziba bag'ishlaydi. Golsiz o'yin yakunda nursiz durangga olib keladi.

“A” guruhidagi 4ta o'yinda muxlislar jami 11ta golga guvoh bo'ldi. SHundan 8tasini mezbon jamoalar kiritgan bo'lsa, qolgan 3ta gol mehmonlar hisobiga yozildi.

Birinchi taymda 5ta gol kiritildi. Ikkinchi bo'limda esa yana 6ta to'p kiritilgan.

Turning eng tezkor golini Riza Ayvazov kiritdi. “Istiqlol” hujumchisi “Orol”ga qarshi bahsda 7-daqiqadayoq raqib darvozasiga to'p kiritib, uchrashuvda birinchi bo'lib hisobni ochishga erishdi.

“SHo'rtan” futbolchisi Muhammadali Abdurahmonovning 81-daqiqada “Xorazm” darvozasiga kiritgan to'pi turning eng so'nggi goli bo'ldi.

Ushbu turda bitta dubl qayd etildi. “SHo'rtan” azosi Islombek Boysariev “Xorazm”ga qarshi bahsda 2ta to'p kiritishga erishdi.

SHuningdek 1-turda penalti ham qayd etildi. “Orol” – “Istiqlol” uchrashuvida bosh hakam Firdavs Norsafarov 14-daqiqada mezbonlar darvozasiga 11 metrlik nuqtani ko'rsatdi. Mehmonlar himoyachisi Abduxoliq Qurbonov bundan unumli foydalana oldi.