Pep Gvardiola: "Aston Villa" yaxshiroq o'ynadi. Biz Rodrisiz ham g'alaba qozonishni o'rganishimiz kerak"

"Aston Villa" bizdan yaxshiroq o'ynadi. Birinchi bo'limda biz to'p nazorati borasida yaxshi o'ynay olmadik, ikkinchisida esa bu biroz yaxshilandi va bizda imkoniyatlar bo'ldi. Biroq vaqtida pas yoki to'g'ri harakatni amalga oshira olmadik. 

Rikoshetdan so'ng gol o'tkazib yubordik. "Aston Villa" yaxshiroq bo'lganini tan olib, "Luton" bilan bahsga tayyorlanishimiz kerak.

Rodri - muhim futbolchi. Ammo usiz ham g'alaba qozonish yo'lini o'rganishimiz kerak. 

Biz olti ochkoga ortda qolmoqdamiz. Etakchi bo'lishni istaymiz, ammo uch marotaba durang o'ynadik va bugun mag'lub bo'ldik. 

Raqib kuchli bo'lgan payt tan olishni bilish kerak", - dedi Gvardiola.